Kami Mawng

Mindat Myo

Radio Veritas Asia ( RVA ) ung kcho ngthu on 2010 ung leng neh Radio ung kcho ngthu on Short Wave on leng noh k'o mhlon nak cuh sayataw Maa Ngthang la Kcho Bawiphaya gui no khongmang noh ami bi ah kya ci.

Bawiphaya Christopher Ngling Thang no khongmang ne bi lo ma ci. Cung kon a Bawiphaya Ngthang Law Ha no bi ba ci. A hngu ah Bawiphaya Cüm Yaw noh ngtha nakneh bi man ci gui.

Tuh chü cuh Radio u no kä ngngai lo ba neh avan cuh Facebook, Youtube, Twitter lah Instegram ung gok lo u hleih 2018 ung leng neh online ung ngplon ba ah kya ci.

Shin ah RVA ung ak tung pi ah taih läi cuh kkahpughi ah ngthukni, khotüi, Yumnak gui, Cüimong, Thungyo, Kkyawngkhui, Papashangpughang ah mcäi gui, htahtana mong, htitheing ciah kchang gui a mong gui ah kya ci.

Mission
K'cho chü, k'cho ng'thu on online ung mi ng'ngaih hlü ah:
- khanpughi lah Ahtindaw ah mong mi hmat lo pi hti hnging vai,
- mi zum nak a khän hnging vai,
- Mindat k'cho gui ah, mong lam, thung man gui a van nawh, sing k'chah hnguh hmat lo tu hnging vai,
- Hmo k'tho gui nawh k'cho chü, k'cho ca a mi hnguh hmat tu hnging vai.

Vision
Mindat k'cho gui pum kiäi hlü ah ghün gai neh, ng'mü m'cha hlü ah phih hti theing neh, phion nak a mi gah tu hnging vai. Mindat k'cho a mong kho m'dek pum ung a zat law vai.