Dominican ng'htawi among

Dominican ng’htawi among Bawiphaya Phäi Mang on ng’thu ng’tha nak
Dominican Bawiphaya gui ung M’va khaw ah kah maa neh kya lo ca Bawiphaya Phäi Mang ng’shi ca nak.
Na ma yah M’va kho ung kah Dominican ung om tu man ci om ne ang?
- Om man ci te vah Bawiphaya kä kya tu neh hteit ba ci gui. Kei cuh Khanpughi ah bä nak ni nak on m’va kho ung ka maa neh ka kya lo tu ci.
Dominican among na m’thein tu gui ä.
- Bä ca Dominic noh a m’düih lo a kya ci. Khanpughi kä yum ba neh ami mät a hmat a om ih ci gui ah k’chang gui m’thei gui vai ah bü ceng neh a pong lo püi ah kya ci. Ma neh mät noh hmat vai, cun kon a k’chang gui m’thei gui vai ciah kya ci. A cun a kya hleih Dominican Bawiphaya gui ah ng’ming a hu täng a OP ci neh a mi guk a kya ci. Order of Preacher ciah ng’phlan ci.
M’va khaw ung ka a I chü Bawiphaya kya lo ci ang?
- A van m’ku lo lo ci. Province gui lei kä täng ci. Philippine Province lah Hong kong Province ci ah ng’pai ba ci. M’va khaw ah phih Bawiphaya kya lo khai gui Dominican ung a k’da om lo tu ci gui.
A I bi vai ang ami ning phan tu?
- Bawiphaya ka kya lo thai ung m’va kho lo ba neh kum k’chuk ka bi tu ba ci. Cun kon nah Phillipine lo ba neh ca ka m’thei tu ci.
A I na m’thein tu gui khai ang?
- Nu pa a büh mang vai kä hlü ci. Kei a I ang ka kya hlü, a I ka ng’yak hlü ci cuh mi hmat vai mi k’tha nak ko. Kcho gui avan mi m’lung mi pyang neh mi om ung Khanpughi noh na bi hlak gui vai da khai nei.