Bawi Jesu khoknget no hlalai ah a tok ah moong

Bawi Jesu on k'hngüp phlikip

Cun kon ah khoknget no a tok vai ah phäh ah Jesu cu htitheing ca muh no hlalai ah khahpüi ci. Jesu cu khngüp phlikip lah mü kphlikip ung tuiei a hloi kon ah coigha lo ci. Ngtok ci ah khoknget no lo shi ne" Khanpughi ah hta ah na kya ung shin ah lung gui shih ei vai ah nglat khai ah na ci vai" ci ci. Jesu no m'shang ba ne "Mcäicaa ung ami guk cu "Eiok vai ah ngkho bäng on kchang ghüng ci ah kä kya ci. Khanpughi ah kchü päng on phih kchang ghüng ci" ci ci. Cun kon ah khoknget no ani cu Jerusalem kho ah hteihpüi ne ngbumim ah khan ah ngdüipüi neta "Khanpughi ah hta ah na kya ung yu nghto ä. A i kya hleih ci ung "Khanpughi no nang kah vai ah Khanhtapup gui yuk tüi lo hleih na kho lung no kä ning ploh ein khai ah ami kut on ning kchang khai gui" ci ah nggu ci" ci ne pyein ci. Jesu no phih "Mcäi ca ung na Bawi Khanpughi kä na tok ein vai nei" ci ah ng'gu ci" cia ne a mshang tu ba. Cun kon ah khoknget no a kya ah hlüng ca khomhtung tumat ah khan ah ani khahpüi ne khom'dek khan pum ung ghunkho gui avan lah a cun ung khoh-tang gui avan khmuh neta " Ka khokung ah ngbop ne na na shumchuk ung, shin gui avan ka ning pe khai," ci ne tok ba mä ci. A ni am Jesu noh " Nang Khokngetj, hteit ä. Na khanpughi Bawi bäng yummhni ne ani bäg ba shumchuk vai" ci ah mcäica ung nggu ci" ci ne mshang tu ba ci. Cun ah kya chüta khoknget no anihteih ta ci. A cung, Khanhtapup gui lo u ne a ngyakhlü ah hlo ah mhteimhta ci gui.
"

Add new comment

8 + 11 =