Hti-theing ciah hmo-hta gui ah poi hngüp

K’Hmó htá gùi a ngáwn-ah màwng.
Cun kon-ah, Herod nawh phih a thù-vì-nák cuh, hnguh hmat k’chàng gùi nawh ami m’chei péit-ah hnguh lo neh a ng’htéi-ah, m’lung-k’sé lo ci. Cun-ah kia hleih ngamí-ah m’thein tu-ah àihli a ng’dáng-nák zah chin cuh, m’chin bà nehtah Bethlèhem gonú lah a pèi zung pìgo gùi ung-kah, a khaw kum kumgoi lah kumgoi-ah k’hmó tu bà ci-ah a k’hmó gùi avan ngáwn hlak gùi ci. 17 Cáü, k’ce ng’sä Jeremias nawh “Rama-ung, kiah-nák, 18 M’lã-nák a k’däm cuh, ng’zák lo; Rachael nawh a htá gùi khaih-na neh kiap ci. Si neh maih zop u hleih a m’lùng kä m’kiäp bà hnging ci néi,” ci neh a piéin te cuh a cun zah-ung ng’chüíp lo ci.

Egypt khàw-a kah Nazareth-ah ami lo-nák bà.
19 Herod a sih kon-ah, Khãnpùghí-ah ng’sä nawh Egypt khàw-ah, Joseph-ah ng’mãng-ah ng’dáng lo neh 20 “Let lo ä. A k’hmó lah a nú la goi nehtah Israel khàw-ah hteit bà ä. A i-ah kia hleih ci-ung, a k’hmó ngáwn hlü ci gùi, si zop pi ci gùi néi,” ci ci. 21 Joseph phih let lo neh a k’hmó lah a nú khah püi goi neh Israel khàw-ah hteit bà ci. 22 Cun tu pang-ah phih, a pá Herod-ah hngün-ung, Archelaus nawh Judea khàw a uk-ah màwng hmat nehtah a cu-àh a hteh vai-ah a kiüh zah k’sùng-ung, a ng’mãng àm hnguh nehtah Galilee khàw-ah hteit neh 23 Nazareth khàw-ung om ci. “Nazareth k’chàng, ci neh chü khai gùi,” ci-ah k’ce ng’sä gùi-ah piéin cuh, a cun-ah bé ci.
Shin cuh Bawi Jesu Christu ah ng'thu k'ni nei.