A k'cheit nak kyün hngüp ng'ngeng

The 8th Ordinary Sunday Gospel reading
Luke 6:39-45
Htìng-lìng ng’súng-hngéinák-ah màwng.
A vai hlü-ah, piéin tu bà neh amik m’dah nawh amik m’dah-àm, lam m’süm hnging ci-ang? Ani ni k’hngih khùi m’ghok-ung lut khai goi-ah, kä kia ci ang? 40 Ng’Thei ci cuh m’thei ci-a tah, kä bä tu bà màn ci. Ng’Thei ci cuh m’thei ci-awn a täng hnging ungtah bä púi khai. 41 Na phäí nàü-ah mik-ung, bik-boi hnguh láng neh na mät-ah mik-ung singtón kä na hnguh ci-ang? 42 Na mät-ah mik-ung, sing-tón púm kä hnguh mih neh a i-ho k’chà-ah, na phäí-nàü-am, ‘Namik-ung, bik-boi ning k’hlèh pe kóng,’ ci neh na piéin ci-ang? Nang ve-kha k’chàng, na mät-ah mik-ung-kah, singtón k’hlèt cang nehtah na phäí-nàü-ah mik-ung-kah, bik-boi na k’hlèhnák péit vai na hnguh thei khai.
43 A i-ah kia hleih ci-ung, kä ni’ci-ah ng’theih, ng’theih ci cuh ni’ci-ah ghing-ah kä kia ci. Ni’ci-ah ng’theih, ng’theih ci-ah ghing cun phih se’ci-ah kä kia ci. 44 A i-ah kia hleih ci-ung, a ghing cuh, a k’theih- awn hmat-ah kia ci. Ng’Hlìng ghing ung k’thei kä chán màn. Bung-hngù k’büp-ung phih, Ca-pit theih kä chán. 45 Ni’ci nawh a mät-ah m’lung m’kíüm-ung-kah, a k’ni gùi plok bà ci. Kä ni’ci-ah k’chàng nawh phih, kä ni’ci-ah m’kíüm-ung-kah, kä ní’ci plok ci. A i-ah kia hleih ci-ung, a m’lung-ung bé ci cuh a m’gawng nawh piéin ci.