Shing-k'thum Khanpughi tumat

Shing k’thum Khanpughi tumat ah poi

John 16:12-15

12 Nangmi gùi àm ka piéin vai, a k’dá om tu láng hleih phih, tuh-chü, nangmí-a phäh-ah, dá aih khai hmán. 13 Ani, càng lüng ci-ah Muh cuh, a lo ung càngnák lam ung ning hmat lo hlak gùi khai. A ng’ngaih tu hngá piéin khai-ah kä kia neh a ng’zák bäng-vah piéin khai. Kia lo khai gùi phih, ning m’thei gùi khai. 14 Ka mät phih, na m’nài tu ’khai. A i-ah kia hleih ci-ung, kei-a kah na lák péit nehtah ning k’phlàn lo péit gùi khai. 15 Ka Pá-a ka phùng cuh kei-a kah phih kia tu ci. Cun-ah kia hleih kei ka gùi cuh, la neh ning m’thein gùi khai ci neh ka piéin ci.”     

Thuk ci ah among tumat ah kya ci. Shing-k’thum ci neh Khanpughi tumat ci cuh avan kä hmat yop vai kya ci. A cunt e vah, ng’thu k’ni ung mi ten gung Shing-k’thum om ci ci cuh mi mat hnging ci. A htük ge ung Khanpughi noh, “Mikmi on täng ci ah k’chang cuh mi pyang ko” ci ci. A k’da kavai a pyen na kya ci. Bawi Jesu a ng’tüi lo vai ung phih Khanhtapup noh a piein yah ung Shing-k’thum a om cuh mi hmat ci. Bawi Jesu m’shi nak a gah yah ung phih Pa Khanpughi, Hta Khanpughi, Muuh Khanpughi cuh mi hgnuh mi hmat ci ah kya ci. A mi bi loh nak gui ung phih, ät neh bi ci gui. Ami bi loh ng’pai ci te tumat ah bi ci gui.