Thi theing ciah hmo hta gui ah poi

Egypt khàw-ah dáwng ci gùi.
13 Ngamí ami hteh bà kon-ah, Khãnpùghí-ah ng’sä cuh, Josep-ah ng’dáng lo neh “Let lo neh a k’hmó lah a nú, Egypt khàw-ah, na dáwng püi goi vai; ka ning chü lo bà güt a cu-àh na om vai; a i-ah kia hleih ci-ung, Herod nawh a k’hmó ngáwn vai neh sùi lo khai néi,” ci neh piéin ci. 14 A cun-ung, Joseph tho lo neh a k’hmó lah a nú cuh, mü k’sung mät-ah, Egypt khàw-ah khah püi goi nehtah 15 Herod a sih àwng, acu-ah om tu te ci. Cun cuh, Egypt khàw-ah kah, ka htá k’pá ka chü bà pi ci, ci neh Khãnpùghí-ah k’ce ng’sä-awn, Báwi nawh a piéin te cuh, a ng’chüíp lo vai-ah phäh-ah kia ci.

K’Hmó htá gùi a ngáwn-ah màwng.
16 Cun kon-ah, Herod nawh phih a thù-vì-nák cuh, hnguh hmat k’chàng gùi nawh ami m’chei péit-ah hnguh lo neh a ng’htéi-ah, m’lung-k’sé lo ci. Cun-ah kia hleih ngamí-ah m’thein tu-ah àihli a ng’dáng-nák zah chin cuh, m’chin bà nehtah Bethlèhem gonú lah a pèi zung pìgo gùi ung-kah, a khaw kum kumgoi lah kumgoi-ah k’hmó tu bà ci-ah a k’hmó gùi avan ngáwn hlak gùi ci. 17 Cáü, k’ce ng’sä Jeremias nawh “Rama-ung, kiah-nák, 18 M’lã-nák a k’däm cuh, ng’zák lo; Rachael nawh a htá gùi khaih-na neh kiap ci. Si neh maih zop u hleih a m’lùng kä cm’kiäp bà hnging ci néi,” ci neh a piéin te cuh a cun zah-ung ng’chüíp lo ci.