Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Yeisu shangpughang a poi k'hngüp
Yeisu shangpughang a poi k'hngüp
K’Chàng gùi nawh ng’düí neh dan ci gùi. Khàwng màng gùi nawh phih, “Ani nawh k’chàng hei, k’phión man ci. Khãn-pùghí-ah Christù-ah a kia-ung, a mät k’phión hlä,” ci neh m’lep ci gùi. Khàw m’tät gùi nawh phih k’et u neh ani hlü-hlàwng u neh k’thui m’uih tui pe nehtah “Nang, Judeu gùi-ah Sangpùghang-ah na kia-ung, na mät nawh na mät k’phión-ä,” ci ci gùi. A lu ’khãn-a phih, “Sin, Judeu Sangpùghang Nazareth Jesu,” ci neh Greek, Latin lah Hebrew k’chü-awn guk ci gùi.
Ng’Bat tu ci-ah gut èi goi-ung-kah, tumat nawh, “Nang, Christù-ah na kia-ung, na mät k’phión neh keiní phih na k’phión goi-ä,” ci neh Báwi ghüh tu ci. Tumat läí nawh cun m’cäì neh, “Nang cuh, na kat-a phäh-ah, sin-ah zái láng neh Khãnpùghí kä na kiüh ci-ang? Nihní, gah chin neh ni gah ci. Ni om-awn chin hleih vah ni gah-ah kia ci. Ani nawh a k’sé a pí-a phih kä bi ci,”ci nehtah, Jesu-àm piéin neh, “Báwi- aw, na khàw-ah na gok bà-ung, kei na süm bà-ä,” ci ci. Jesu nawh, “Nang-àm ka piéin cuh, tuh-ngói kei mah-ah, Paradisu-ah na om tu khai,” ci ci.
Add new comment