Maria no a kni pi ghü pyi ci

Martha lah Maria

A hluläk gui on lam ami hteih yah ung Boi cu pigo hta tumat ah lut hleih Marhta ngmingna ca khnguumi tumat no Boi cu a kpyu ah kkinna ci. Ani ung, Maria ngming ca a na tumat om ci. Ani cu Boi ah kho pei yah ngo ne a kchü ngngai ne om ci. Martha cu Boi a kkhinnak vai ah tot ci. Ani no Boi ah pei ah ngdüi ne a pyein cu "Boi o, kamät bäng no ka bi vai ah ka na no ana nong kä na hmat ci ang. A na gung tu vai ah mcäi ä, " ci ci. Boi no mshang tu ba ne ani am a pyein cu "Martha o, a pääng ah na cäing'ä ci. Hlü ci tumat hta vah om ci. Maria no a kni pi ghü pyi ci. Ani aka cun kä lak ba peit ah om khai,' ci ne mshang ci.