Tui-khong gui m'htei vai

K'cho kho tui khong among
K'cho kho ah cuh tui khong gui ung a tui la neh mi pigo gui ung mi ok ca kya ci. Kho a cha lo ba ung Tui cuh ken lo pi ca kya ci. Tui ket lo neh avan ung tui kä cum-päng lo ba ci. Tui a ket lo cuh Tui-khong gui phleng neh kho mi vok gui ya phih kya ci. A k'tung pi ah Tui-khong gui mi m'htei vai hlü lo ci. Shing-ghüng kä chuk ba neh Tui-khong gui mi ngong vai kya ci. Tui om thei khai ah a ghüng gui mi geit vai hlü ci. Mi kcho kho, mi ng'lei, mi Tui-khong mi m'thei vai mi k'tha nak kom u.