Bä ca Francis a poi

Bä ciah Francis Asisi ah Poi khngüp

          Bawiphaya kya nak ah kyong mdüih ca bä ciah Francis cuh (1182) kum ung Italy ghünkhaw Asisi manggaw ung ngtüi tu ci. Ngbüh ngmang ci ah hlumlei kchang ah a hta ah kya hleh a ni cuh a hmo yah ung ngtung aah na ung angming a thang nak vai lah  khawmdek yeikyai nak ah hu ah läk man the ci. A khawkum (25) ung bä ca Demian phaya kyong ung shuh a shan yah ung Bawiyeicu noh shimkang tungung ka noh a pyain nak cuh “Francis htaw,  didam ca na hngu ah phayakyong cuh na pyan tham ba vai” ci ah pyein nak ci. A cunung ka no htün neh a ni cuh dukhaih ci gui am hlui hlak nguighui pe gui neh phayakong pih tün neh co ba ci. A cuin nah kyahleih a pa cuh mlungkshe neh a ni ah a khoh tang gui  shang ba ci. Francis cuh Sayataw kyong kdüima ah hlüihlak gui hlut neh “shin gui cuh nang pa ah khotang gui nei, a yanung nang pa cuh  khawmdek khan ah Pa ciah kaning chüi man the ci, tu kbäh läi khanmopi ah ka pa vah ka chüi khai” ci ah pyein ci. Khawdok phih kä om ci, hlüi hlak akshe hlüi neh shuhtong khtaigüi lah hmakat nah ngyungyon nak ba awn ghüin om ci. A cüin cuh ani a hngu ah läk ci gui noh yum ci gui. Shelok ci ah phayakyong pyang ba ca Francis cuh Papa shangpughang Innocent a kthum ank noh akmünngmang ung hgu ne tah (1210) kum mung (Friar Minor) ciah ngtawi thai cuh bäi ci. Francis cuh Upacin a gah ung ka no tün neh kä kchei tai vai ah cä cat vai gui bi loh ci. A ni cuh khanpughui ah ngthutheing awn mät no mät pep nak lak mhngingkyu nak awn yumtu mbum gui cuh khä kpang pyang tham ba ki. Shihla yah tawktam nak gui amchüt näng vai päh ah khocha yah ung hlüi hlak kä hlüi ein neh nghling hu li ah htet neh, cho khlik kho a kya amyu yah ung kdaam tüikhan nah ngok ki. A ni a shäng a om nak tu ah (Myok Afarica) khaw ung om ci gui ah Musalin gui ah hngu ah a yum nak cuh mdang ghüit ci. Bawiyeicu angtüi nak ah hleipat eiko cuh (kaleichio) manggo ung a ni ung kanoh ngtüin lok ci. A ni cuh (a vena) bunghu ah ei awk hlawi neh a sutong taigüi yah ung Bawiyeicu ah a khmalem khma gah ci.  Ani cuh khanpughui ah tüi pyian guiah khan nah ayum ngak nak gui apyin ah “phäi hta khawmik lah Pai hta kcha” ciah christian ngä guk ci. A ni cuh “kei ka bi vai ka bi pi ci, nang mi na mi bi vai cuh bawiyeicu noh nig mtheimcä gui khai ci ah a hluläk Bawi gui awn pyein ghüt neh a khokum (44) ung (Potiamkola) mango ung shik ci.