Pughipa gui ah pui kaih ah mawng ng'shi k'cà nak

          RVA John Thang naw  Pa Päi Läi am ang ng'shi k'ca nak ung  Ai m'Tui muk ah amawng gui cuh ak cang ah kä om law ba khai neh ci neh pyen ci. Tuchu cuh Ai m'tui muk ci ken lawk ci Ai m'Tui cuh ak cang ah Pughi Pa gui naw a mi yum man ah kya ci ci neh phi pyen ci. A ca ni atu chu phi k'Cho m'sha m'sha naw a mi khaw lo nak ka geih k'kheh ni lo m'um ni ung bi ba ya ci gui. Pui kaih la m'ghu ng'tha cuh ak cang ah bä ci nei ci neh phi pyein ci. Patha gui om law neh K'khanpughi yum nak gui k'Cho khaw ung a da lo kon ah u naw phi ni hleh m'ghu ng'tha nak cuh ka bi lo ba ci gui neh.

       K'khanpughi a cang ah yum m'nghi nak kon shin ah pui kaih nak gui cuh nawng vai ah kya te ci Pughipa gui ah om i mang phi kä m'nhi en neh mi k'mhat vai phi hlu lawk ci.