Mindat Kathing Pawi

   Tuhngawi Mindat mang go ung om ci gui ah Putah patha gui naw kawng mang neh Kathing pawi bi ci gui. Shin ah Kathing ci nak ci cuh kchang gui naw ami yum ah ami patha ung ngui ghui kawk tang gui cuh ami gin ap nak ka kya ci neh ci neh pa ngvia Li Kyü Ngbawi naw pyein ci. A cung bäng ah kä kya hlei a mät bäng naw a peih tak ka ta ak da on ngcung ngdawng neh peih dak nak ka kya ci nei ci neh phi pyein ba ci. Tungawi Mindat mang go ung om ci ah  Coya bi bi ci gui ma ma ah ngcung dawng neh khmo ngvai gui ma ma ya Kathing ami bi ah kya ci. 

Ak cang ah Mindat mang go ung patha kä täng ci gui ak da om tu lang hlei phi tumat la tumat ngkhawk nggei nak on van hang om ci ci cun phi mi mdang ci ah kya ci. Shin ah Kathing pawi ami bi nak ung Putah patha bäng ah kä kya hlei Kcho kchang avan naw a kawng ät ah nggui neih pi ci gui ah kya ci. Mindat ung om cia Patha gui da tu lang pang hleh phi mivan a ät van a ät ah gui tha neh mi om cuh bä ci neh ci neh pyein vai ah kya ci.