Ca ami ng'thei nak ng'pyi lo hleih 'poih' pek ci gui

Cardinal Charles Bo noh a mi ng’thei tham nak ng’pyi päng lo ci gui am m’cäi gui ci

 “Socio-Pastoral Diploma Program” a mi ci ah hnguh hmat ng’thei ng’tham nak ng’pyi päng ci gui am “poih” pek nak cuh August k’cha 24th, 2024 ung St. Joseph’s National Catholic Major Seminary ung bi ci gui ah kya ci. “Nami hnguh hmat gui cuh ng’däih neh nami hmat lo pi vai ah nami ng’tha nak vai ” ci neh Cardianla Charles Bo noh m’cäi gui ci. Khanpughi kä nami ng’hngung ng’tuk püi vai, nami yum vai. Khanpughi noh avan hmat ci. Bawi Jesu on nami ät tu vai, Bawi Jesu cuh avan a ng’kyüm be nak a kya ci ” ci neh pyein ci. Ami ng’vai Bawiphaya Aung Win noh lo tu ci gui avan shüm hmat gui neh Ca ami ng’thei nak ng’pyi lo ci gui am ng’tha gui pek gui ci. “Nami ng’tha nak a phäh a nami gah, nami m’lung ung a k’be ah a om vai pyein ci. Nami bü ceng a ” yum nak on bi bi vai” cuh nami läk vai ci neh m’cäi gui ci. Bawiphaya John Hlawn Moe Naing noh phih ng’tha gui pe gui neh “nangmi cuh kho m’dek ah a k’khang a nami kya ci. Nami mät noh nami hmat cuh k’chang gui am nami m’thein m’khan tu gui vai ci neh pyein ci.