"K'Hlei" bi ba ci gui

“K’Hlei” bi ba ci gui

 Mindat lah mow-ne khaw täng a k'chang gui ah hteh-hton nak a "k'hlei" hngih cuh hmong-long k'hlei lah k'cha-long k'hlei ah kya ci. K'cha-long k'hlei lei ni ya ci te hmong-long k'hlei lei cuh ng'pe neh kho-lek on hteit vai phih ng'gün vai kya ci. Cun a kya hleih, August k’cha a-kheit nak ung ng’bong-the pigo ung ka gui noh di lo ci ah Hmong-long k’hlei cuh  vunvai neh bi ba ci gui. Hmong-long k’hlei cuh 2002 kum ung ami m’don te ah kya ci. Kho kum sho lo neh a u noh phih kä hteh-hton nak ba sho lo ci a kya ci. Kho htui lo neh tui dim lo hleih avan kavai hteit-hton kä ng’hloi lo hleih a mi bi ba ah kya ci. Lam k’tung ung hteit-hton vai kä ng’hloi neh kya lo hleih avan noh hteh-hton nak vai bi ba a kya ci. K’hlei bi ba ci gui ah ng’bong-the pigo ung ka gui avan a mi bä ni.