Bä ca Bonaventure a mong(July15)

Bä ca Bonaventure cuh 1218 ung Italy ghungkho bathno Regio ung ng'tüi ci.Ani cuh Sayataw lah hnguh hmat k'chang ah kya ci.

k'khankho hnguh hmat k'chang ah a ng'ming thang ci.

A khokum 22 ung Franciscan ng'htou ung gok neh a ng'ming phih Johan ung ka nooh yeikyai vai ma lam ah ng'phlan ca Bonaventure ah ng'thong ci.

Hnguh hmat nak gui a ng'päng ah a ng'thei vai Paris Gonu ah ami tüih.A cun ung Bä ca Thomas Aquinas on ng'gei ng'khot ci goi.Bä ca Thoimas Aquinas naw a hnguh hmat ah ng'yung nak ng'shi chü tah Kurusu k'tung khnguh man ci.

A müi hmai k'kyang neh hlayang neh ak'cum ah a om cuh a mät ah pyein ng'lät ah ng'mui m'cha lam yeikyai nak cuh k'chang ah ng'mui m'cha ung om ca Khanpughi ah ni bä nak akhä pi ah kya ci ciah a pyein cuh ak'bäi ah kya ci.

Bä ca Bonavenrure cuh a khokum 35 ung Franciscan ng'htai ng'vai ah taih u hleih ami ng'thoi ung duyai nak a hlühlü ah k'phlan neh ami ng'phyek ng'pai m'ät ba gui ci.

1273 ung Papa Shangpughang Gregory a 10 nak noh Bonaventure Cardinal Boiphaya ah a kya vai Roma a kah ami tüih gui noh ami m'thein.Floreence Gonu pei ah Bonaventure noh eiok nak gui ana m'shi lo hngu ci gui.Bibi kä ng'düm en vai phäh ah ami lo püi ah Cardinal hlui gui shing ami bah vai pyein na gui ci.

Bonaventure cuh 1274 kum Pyinhtit ghungkho ung ami bi ah ak'hngih nak lyon Council a kai tu yah ung shi ci.

Add new comment

3 + 1 =