Bä ca Monica

Bä ca Monica

Bä ca Monica cuh Htitheing ca k'chang ah kia ci.

Bä ca Augustine ah Nu ah kya ca bä ca Monica cuh 133 kum,hlip Africa,Takstay gonu ung ng'tüi ci.

Cha tu hnga hlei a m'lung a shawn chang hnging a phäh ah omk'she awn ghaghum ca Vahira yum k'chang tumat ah kya ca a cei Patrecius ng'thawng ng'hlak hlak ci.

Ani cu kä shih pha kum gawi ung m'shi nak Sacramentu ga tu ci.A hta k'Pa ng;vai pi ah kya ca Augustine cung phip Monica a phäh ak'däm pi ah ng'kyawng ng'leh ba cang ci.

Augustine cuh a k'hmo yah ge ung pahta ng'htawi ung a ng'ming boi tu te ci cuh m'shinak Sacramentu a i ah phih kä tä ci.Ani cuh Manich ami ciah yumhei lam ung gawk netah yeikyai thek hai düt neh ak'she ah om ci.

Augustine cuh a cun-ung ka noh len neh kä ni ca shekat nak gui phung bi neh kho kum sho om ci.Monica cuh mik-tui ng'hlui ah ei hlawi nak,k'taigüi nak kum 38 pum shuh shan ca nu tumat ah kya ci.

A hta k'pa Augustine a ng'thawng ng'hlak vai ah phäh ah a hnguh hmat be ciah Sayataw tumat ah hteit ci.A cun ah Sayataw noh Monica- awn "Khanpughi ah k'hngüp gawh lo khai ,na mik  tui gui ah phäh ah na hta kä di khai "ci na ci.

Augustine cuh Italy ghungkhaw a düüp ah a hteih ah mong Monica nawh hmat lo neta hngu vai neh Milan ah hteit ci.a hta k'pa a ng'thawng ng'hlak hmat lo neta a kya a yei tu ci.Monica cuh Austria k'kum pei ah tuiyun im a gin yah ung a kya ah k'hmat lo hleih shi ci.A k'hngu ah a pyein ghüt cuh ka ghin yah

ung i naw phi yeikyai nak kä na pe ci.Kei ka ghin cuh nang Christian tumat ah na kya lo vai phäh a nei ci neta ka kyä läi cuh hoi phi na k'phuh ä.Kaning hta ah ka ng'yak hlü lä cuh Boi ah Mang k'kyak ung na shüm ba vai nei" ciah a hta am pyein ci.Ani cuh kum 55 ung shi neh Nu gui ng'äng m'htei ca

htitheing ca k'chang ah htahta nawh a m'hlüng m'tai.