Hmo gui M'thei m'cäi vai among

Tha hmo gui m'thei m'cäi vai
Nu la Pa shüm mhmat nák vãi àh Catholic ahtintaw naw a pyán àh k'hnüüp àh kyaak kci. Nupá poi ci neh pyein láw nák úng ma pi kbäät neh mi ng'ngaih tuh vãi cuh a u ang mi Nu? A u ang mi Pa? Ma pi kbäät neh mi ng'ngaih tuh vãi hlü ci. Ma pi kbäät neh mi shüm bà vãi cuh K'khanpughi àh mcä màwng ghà law kci,a cun ah màwng ghà úng a kphlí nák úng i ang ci neh a om? Nupá yohtei vãi ci neh om ci. A cún àh màwng ghà úng ma pi kbäät neh mä a i ci neh ang a guk? K'khanpughi bäng shih khaw neh a ni cuh yum m'hni tupi vai ci kci. K'khanpughi cuh ma pi kbäät neh mi Pá mi Nu àh kyã ci.
A mawng kphlí nák úng na Nupá na yum m'hni vai a pyein na ng'ngaih vãi ci neh pyein ci. Nupá yohtei vãi ci cuh M'vá k'chí àh kyã ci, K'cho k'chí on pyein úng " A pyein na ng'ngaih vãi, Na kyih à vãi, Nà gung htot vai ci neh a pyein ah kyã k'ci. Mät nà tüi ci cuh Nupá àh kyã k'ci, Nupá tüi pyang ci cuh K'khanpughi àh kyaak kci. Cún àh kyã hlei K'khanpughi cuh ma pi kbäät neh mi m'shung m'chüt vãi hlü ci àh kyaak kci. Cún kawn àh K'khanpughi naw a ghüh a thà shüt cuh a u ang? Peitru àh kyã ci ani cuh tú chü mi pyein àh Pukyahanminci àh kyã ci. Pukyahanminci àh k'kã àh Sayataw óm ci, cún àh k'kã àh Bawiphaya, Mãmāh, Koyin, Tamahsaya gùi óm ci. Ngami gùi phi mi k'mi àh Nupá gùi àh kyã k'ci. A m'shāh naw mät àh Nupá bäng vah Nupá àh ng'ngai ci. Ahtintaw naw nà khawng mang püi gùi khai àh a thà gùi phi mi Nupá gùi àh kyã k'ci. Cún gùi cuh K'khanpughi àh màwng hmat nák vãi àh na m'tein gùi ci àh mi Nupá gùi àh kyã ci. Cún kawn àh nà htâ nák ci ah mi Nupá gùi phi om ci. Cã mi ng'thei nák úng i ci neh mi ng'thei ? M'vá naw pyein neh " မကောင်းမေတ္တာ၊ ကောင်းရာညွန်လတ် ၊ အတတ်သင်စေ၊ပေးဝေနှီးရင်း၊ ထိန်းမျှားချင်းလျှင် ဝတ်ငါးအင် ဖခင်မယ်တို့တာ " Ã k'ni kä bí vãi à k'ni bí vãi, cún kawn àh a k'ni bí vãi àh a na m'thei vãi phi hlü ci.
A htâ khmaw cu ani vãi a mthei kon àh kyãwng a thà vãi. Pughipa gùi naw i àh a nà m'cäi gùi man ? Kä tuk vãi, kä ng'vawt vãi, paw k'chang gùi ngge püi gùi vãi, pigaw law g yung mhtei vãi àh na m'thein gùi ci. Cún gùi cuh Nupá gùi naw mi htâ khmaw gùi mi m'thein bà gùi vãi àh kyã k'ci.
Na hta k'hmaw kyawng kä nà thà tú úng K'khanpughi àh mthein mcäi kä na ng'ngaih on täng ci.
#rvakchoservice
#parentsday
#family