Yum nak lam m'thei m'cäi nak

A pa ni, a hta ni among
Catholic yum nak cuh Nu Pa ung ka noh ng'du tu neh yum nak ung ih om man a kya ci. Maa neh yum nak ng'thei tu cuh, " A pa ni, a hta ni " a among a kya ci. K'hmo yah ung tün neh a na bi vu ah kya ci. Bawi Jesu ah thuk ca mong gui cuh hmat vai phäih a kya ci. Bawi Jesu ah yaica gän vai nak among cuh mi shüm ba vai ah mi bi a kya ci.
Apáni ahtani tawt neh pyein àh màwng. Catholic tumat àh kyã law kawn àh katehpui ka ng'khawn k'chang am ka m'thein tú k'khai ci àh ng'ngaih vai. Manlay tekahto kái nák ah tumat om ci Puktahpahta tumat naw a ng'shi Nhaitchin RC lah Puktah k'thum om ci gùi.
Puktahpahta tumat naw k'hnih am nani yum nák àh màwng nani m'dang nák vãi a i thingkyaitah ang nani htung ci neh a k'shi goi. Nhitchin cuh apani athani kä pyein tu ci gùi àh kyã neh om düt hlei a i cuh ma cã na ci cineh a ng'shi te K'khanpughi ka m'hlüm m'tai ci cineh a tein te kä kyaak ci cein kà pyein hlü àh kä kyaak ci cineh apyein a i baw tah thinkyetah tumat baw tah om khai cineh a pyein . A ng'shi leh leh te a i àh phi ka pyein law thei. A i cuh na yum ci neh ng'shi bà hlei K'khanpughi ka yum ci ci neh pyein ba ci.
Keimi Puktah gui àh kyã úng kami kut shik'cha kami ci ci. Nang mi a i àh na mi ci ci neh pyein ba hlei phi kawp ba thi ci. Cun ci neh tah nang nayum ääp nak ka khäng ci cineh a pyein. Cun kawng ah Catholic tumat am mä a ng'shi bà. Nang mä nayum na ääp àh K'khanpughi a i ah na m'hlüm m'tai ci neh ng'shi hlei , Apa ahta tawk neh shi k'cha kami ci ci, ci neh m'tein hlei nang na hman ci,cineh pyein ci. Na yum ääp nak ka K'khanpughi a om ung na m'dam nak vãi àh htingkyaeitah om khai cineh pyein ci. A k'cang phi a cun tu cang. Om law khang düüt on kä ng'pyi kai ah kyã ci. K'chang a dã láw pipi àh a kyã úng a i àh ang nami ci? A k'hmaw gùi Apa ahta a k'ni àh ka pyein thei ci a k'dã om ci. Phayakyawng k'kyong ah i hawkcha ngawh om vãi kä mhat ci a k'dã om ci. Cun cuh a i àh kyã hlei ci ah a kyã úng a nupá naw a k'ni àh ka m'thein ci ah kyã k'ci .
A nupá cuh Phayakyawng kum ät úng k'hnäät kä cun ung kum goi ung k'hnih vei a m'shah àh kyã úng Christmas ung law tu ci phi om ci. Pasaka ung law tu ci phi om ci. Cun àh kyã hlei a hta am i am thei vai phi kä om ci. Cun àh kyã hlei tuhngawi Bawiyesu christu naw a pyein K'chang gùi àh hnu àh kei na m'hlüm m'tai ci kei na shümgmat bà ci cuh ka pã K'khanpughi àh ma àh ka m'hlüm m'tai tú bà khai ka shümhmat tú bà khai ci ci.
Tuhngawi mi shüm bà vãi cuh a i ang ci ah a kyã úng K'khanpughi a ni àh na yum vãi nà yum nak na m'gawng bäng on kä na yum vãi .Nabi lawh nak na kukkhaw om ci on na yum ääp nak a ni àh na m'dang vai. Kyaä nà ngaon neh na ci khai àh tah phi K'chang gùi àh hnu àh K'khanpughi mi yum nak mi dang vãi ah kyã k'ci.