Adventu a k'thum nak kyün k'hngüp

Jesu lah, Tui k’phùm Johan-ah k’chàng goi ami ng’htà.
Johan nawh Christù-ah bi gùi ng’zák tu neh a mät-ah hlu-läk gùi-ung-kah, k’hngih tüì goi neh; 3 “Lo khai cuh, nang ang? Kä cun-ung a hei kami gün-èi vai ang?” ci neh ng’sî hlak goi ci. 4 Nganí àm Jesu nawh phih; “Johan-ah hteit bà neh nani ng’zák nani hnguh phùng m’thein tu bà nä. 5 Amik m’dah te ci, m’dèi lo ci, a khaw ng’chèm ci hteit lo thei ci, kiám nawh a èi te, gái lo bà ci; a k’pang, ng’làng lo ci, a k’sì ghing bà ci; dú-dàwng ci gùi nawh phih Khãnpùghí-ah ni-bänák ng’zák tu pi ci gùi.
6 Cun kòn-ah, kei-ah bi om awn, kä ng’vän èn ci cuh bä khai néi,” ci neh m’sàng bà goi ci. 7 Hteit-èi bà ni chü-tah Jesu nawh Johan-ah màwng cuh, k’chàng gùi àm piéin lo neh; “nangmí nawh a i teng vai u neh hla-lái-ah nami hteit te ci ang? 8 Khàw-k’chi nawh a k’hngün-ah vài púm ang? A i teng vai u neh nami hteit te ci ang? Hlui-hlak k’kióm hlùi ci-ah k’chàng ang? Hlui-hlak k’kióm hlùi ci gùi cuh Sangpùghang im gùi-a vah hnguh man. 9 Cun-ah kia hleih, a i teng vai u neh nami hteit te ci ang? Ce ng’sä cun ang? A cun néi. Anitah Ce ng’sä düit-a phih kä kia ci, ci neh ka piéin. 10 M’Cäinák ung ami guk-ah,“Ka ng’sä, na mà-ah ka tüih,” ci neh guk te cuh ani àm néi piéin-ah kia ci.
11 Nangmí-àm ka piéin cuh, k’hngumi gùi-ah htá gùi ung Tui k’phùm Johan-atah, bä tu bà ci, u kä om pha ci; cun tu pang-ah phih Khãnmòpí ghin khaw ung a k’hmó pí cuh, ani-a tah bä tu bà ci.

Shin cuh Bawi Jesu Christu ah ng'thu k'ni nei.