M'hni nak lah Bawi Yeisu yum äp nak ah mong.

Bawi Yeisu mi yum äp nak no m'hni nak lah mi om khaw cuh kyüm-be nak na pe gui ciah kyak ci ciah Papashangpughang no na m'thein m'cä gui ci. I ah kya hleih ci ung, Bawi Yeisu mi yum äp nak lah mi paw k'chang mi yei nak hlu ah k'chang gui mi gung tu gui, mi m'htei tu gui cuh kyüm-be ciah ghün om nak ah lam ah kyak ci ciah Bawi Yeisu no na k'hmuh gui ci, na m'dang gui ciah kyak ci. Bawi Yeisu ung yum äp nak lah m'hni nak ani ng'ching-ng'khong ah mong cuh Papashangpughnag no a na m'thein-m'kan gui ah kyak ci. M'hni nak cuh kyüm-be nak vai ah phäh ah a k'hlung pi bäh ah lam ah kyak ci. M'hni nak kon k'chang gui mi gung-tot tu gui no Bawi Yeisu on mi ät nak vai lam kä na khan gui ci, Bawi on kä na m'cha gui ci ciah pyein ci. A cun nah m'hni nak no cuh Bawi Yeicu ah mik-ui on, Bawi Yeisu ah m'lung on du-khaih ci gui ah hmai hteng ciah kyaik ciah pyein ci. Mik mi Christian gui ah mi ghün om nak pum ung Nu Maria no a na gung-tot gui vai ah mi ng'hui na ko ciah pyein ci. Hti-theng neh bä ciah Nu Maria no a na m'htei gui vai, a  hta Bawi  Yeisu mi yum äp nak ung a khäng-htek lopi hti vai lah a na m'htei gui vai. Bawi Yeisu mi yum-äp nak no khawm'dek khan ah mi han ghün om nak lah k'chang gui mi m'htei-m'hta tu gui  cuh kyüm-be nak na pe gui ci ci cuh mi shüm ba vai hlü ci ciah Papashangpughang no na m'thei m'cä gui ci.