k'khangpughi lah k'chang gui ka vai bi loh vai ah mong.

Mik mi Christians gui cuh Bawi Yeisu ah hlo ah k'khangpughi lah mi paw-k'chang gui ka vai ah bi mi bi vai ah phäh ah k'khanpughi no a na ghü-phong gui ah kyak ci. Pyein hlü cuh k'khanpugui ah bi mi bi neh mi paw-k'chang gui mi gung-tot tu gui vai cuh mik mi Christians gui ah bi vai ah ma mong ah kyak ci ciah Papashangpughang no na m'thei m'cä gui ci. Shing m'kang k'tung mi kot neh mi ghün-om cuh Bawi Yeisu no khawm'dek a k'phoin nak vai ah ma mong ung mi ät tu ah kyak ci ciah pyein ci. BAwi Yeisu ah shing m'kang k'tung mi shäm ko cuh mi awi, mi naak, mi shäm düt ah kä kya en hleh k'khanpughi ah m'hni nak lah Bawi Yeisu noh a mät no a mät a phep nak ah mong ah a kya vai hlü ciah kyak ci ciah pyein ci. Cun bäng ah kä kya hleih shing m'kang k'tung cuh gein- vai yai-ca ci gui mi gung tu gui hlu ah Bawi Yeisu on mi ät nak vai ah mi m'lung-ngaih cuh mi m'dang nak vai ah mong ah a kya vai hlü ci ciah Papashangpughang no pyein ci. Bawi Yeisu shing m'kang k'tung ung a mi chen mi dan ah kya ung, a shi m'hlon neh a hun a na peit gui ah mong mi shüm ba vai hlü ciah kyak ci ciah pyein ci. A cun ah hlo ah, mi k mi gui cun phih mi paw-k'chang mi gung-tot tu u neh k'khanpughi mi hni nak on mi ghün om neh Bawi Yeisu ah ghün-om nak mi läk tu vai, mi thei tu vai hlü ci ciah Papashangpughang Francis no na m'thei m'cä gui ci.