Ng'pyein cuh Covid-19 lei ah tah ka tu ba ci.

Bawi Yeisu no  tu-mat lah tu-mat lam m'shüm tu vai ah mong lah paw-k'chang gui ah om kya ah mong gui a k'shei lam ah kä ng'pyei vai ciah Papashangpughang no na m'thein m'cä gui ci.    Bawi Yeisu no a na m'thei m'cä gui hte ah mong ah kyak ciah kait nak bik ciah mi paw 'kchang gui lam mi m'shüm nak tu vai mong k'thüm cu Papashangpyghang no na m'thei ba gui neh na k'hnga-k'phlang ba gui ci. A k'ma nak (1) ung kat nak bik ciah k'chang kä m'kat htei neh  a om a hmat vai ah m' cä tu vai. A hngih nak (2) ung a phä na nu-be gui no a mi m'cä vai ah pyuein nak vai. A k'thüm nak (3) ung phih kä ng' yuu ba kya ung a htin-taw no a m'cä vai. A cun ho kä ng'ngaih ah kya ung a hei pa-hta-ah kyak ciah k'bäi vai. Cun cuh i ah kya hlei ci ung, k'khangpughi ah kuit ung m'ap neh,k'khanpughi no lam a m'süm vai ah phäh ah kyak ci. Papashangpughang no i ang a na m'thein gui hlü ci ung, mi paw k'chang tu mat no kat nak a mi ah kya ung kä m'kat en düt neh lam mi m'shü tu vai a pyein hlü ah kyak ci. Ng'pyein gui no k'chang tu mat ah m'lung k'shawh khai pe neh a htin-taw ung ät nak kä om en vai ah m'chei-m'shoh ciah kyak ci. I ah kya hlei ci ung, k'khok-k'she cuh k'chang gui kä mi ät en vai ah bi loh neh ng'pyein tu pi ciah kyaik ci. A cun ah kya hleih kä mi ng'pyein en vai ah mi k'tha na ko. I ah kya hlei ci ung ng'pyein cuh Covid lei ah tah ka tu ba neh kyüh-kyawk vai ah kyak ci. A cun ah kya hleih k'chang tu mat a hma-kat ah kya ung kä mi m'kat en düt neh lam mi m'shüm tu vai lah tu mat ah kat tu mat no mi m'gein tu vai ah phä ah Nu Maria no a na k'tai-güi tu pe gui vai ah mi ng'hui na ko ciah Papashangpughang no na m'thei m'cä gui ciah kyak ci.