A van ät neh ng'düih-thaw ghom vai ah mong.

A täng hta ah kyum-yop ghom neh, ät nak on vah tuh-chü mi awt ah kä ng'hlawi ng'hlak nak gui cuh mi phlän hing ciah kyak ci ciah Papashangpughang no na m'thei m'cä gui ciah kyak ci.

A htin-taw ah na m'thei nak gui ung ka a na m'thein gui cuh I ang ci ung, k'chang tumat hti tumat hti no k'chang päng a van nah ni bä nak vai a bi loh  vai ma mong phäh phäh ah om ciah kyak ci ciah pyein ci. K'chang gui a van dim kyäp neh ng'hlawi-ng'hlak hleih  om vai ah phäh ah k'chang tumat hti ah ghün om nak (dignity and gift of people), ni bä nak gui cuh (respect) mi huh tu shüm vai hlü ciah kyak ci ciah pyein ci.

(the principle of subdidiarity) ciah paw k'chang m'thei tu vai, gung-tot tu vai ah mong cun phih na m'thein gui ciah kyak ci. Tumat lah tumat mi ng'gung-ng'tawt tu hlü on vah kä ng'hlawi-ng'hlak nak gui cuh mi phlän hing khai, mi m'chüt hing khai ah kyak ci ciah pyein ci. K'chang gui ung om ciah k'tha-gui, ng'bi-ng'loh m'chüt näng nak hing gui mi hu tu shüm neh (respect) m'cun-m'dawn neh mi ät vai hlü ci ciah pyein ci. A cun hlu ah tumat hti tumat hti no mi m'chüt phäh phäh ah mi bi loh hlü ah mi pigaw long khui mi m'htei hing ciah kyak ci ciah pyein ci.

K'chang gui a k'daa cuh u no kä hlui-tä hleh, not-pet u hleih a van ah ni bä nak vai bi loh nak ung  kyum-päng neh kä ng'bi-ng'loh tu hing ci gui ah kyak ci ciah pyein ci. K'chang a m'shah cuh a mi ng'bi-ng'loh kä ng'hlawi hleih van ah ni bä nak vai bi loh nak ung kä pa tu hing ci gui ah kyak ci caih pyein ci. A coyah ng'bum gui no khong-bang neh k'tha-gui kyen ciah k'chang gui hlui-tä tu gui neh, nga-mi ah ghün-om nak a hlüg-tai tu vai ah bi loh pe gui vai hlü ci caih Papashangpughang no na m'thein-m'cä gui ci.

        https://www.vaticannews.va/en/pope/news/2020-09/pope-francis-general-audience-principle-subsidiarity.html