Mik mi gui cuh a k'cum ah, a ng'däh hleih suh shang neh mi k'tai-gü vai hlü ci ciah Papashangpughang no na m'thei m'cä gui ciah kyak ci.

A k'cum ah suh shan vai hlü ciah mong cuh  Bawi Yeisu no m'tun-m'täng neh a na m'thei nak gui ung ka la neh tah na m'thein gui ciah kyak ci.

A m'lung m'däm neh suh shang ciah k'chang ah k'aw cuh Bawi no kä ng'ngai ci. A m'lung m'yaw m'nem neh suh shang ciah k'chü k'aw cuh Bawi no ng'ngaih pe ci ciah pyein ci.

I ah kya hleih ci ung m'lung m'nem nak kä om ciah suh shan nak cuh a k'cang ah suh shan nak ah kä kyak ci ciah Pyein ci.

A ng'müng a van a khaw-ghong vai hlü ah a kya ah ung phih suh shan vai, yai ca nak gui awt ah ung phih suh shan vai, k'khanpughi no kä na ng'ngai gui ci vai hlü ah a kya yah ung phih suh shan vai, i ah kya hleih ci ung ng'chü neh a ng'däh ah suh mi shan vai hlü ci ciah pyein ci.

Suh shang ciah k'chang cuh a mät hta kä om ciah kyak ci. I ah kya hleih ci ung suh mi shan ah kya ung Bawi no a täng ah na om pui gui cih kyak ci.

Bawi on a täng ah, Bawi hlu on suh mi shan vai ah Bawi no na chü-thäm gui ciah kyak ci ciah Papashangpughang no pyein ci.

Suh shang ciah Christian tumat cuh kyüih-kyok nak kä om ciah kyak ci ciah pyein ci. Bawi Yeisu cuh mik mi gui ah ng'yung ah kyak ci ciah pyein ci.