Bä ca Cecilia

Bä ca Cecilia

Ng'äi ng'om tum k'khang thei ci gui ng'äng m'thei ciah Bä ciah Cecilia cuh Roma Manggo ung bä ng'mang ciah k'kyawngkhui ung ng'tüi om lo tu ci.

Ng'Lami a kya neh a ghin ah lupum a om vai ng'gun tu pang ne phih a nu la pa noh k'cet ni chüita Valerian on om ci goi.

K'Kyawngkhui ani khoi ung K'Khanpughi ng'äi ci.

A cun a phäh ah a khngu ah tum k'khon ng'äi ng'om ci gui ng'äng m'htei ciah htitheing ciah k'chang ah ami shä.

A cei Vaterian am shihla ah ng'yak hlü k'üp neh om vai ni na ci goi.

A cei Valenrian m'shinak sacramentu a gah yah ung k'khanhtapup Gabriel cuh Cecilia ah pei ah ng'düi neh k'cheipai gui on pyan ah Luchüm a k'bün hngu ci.

Khem Shangpughang Prefer Almachius ah ama ah a yum cuh a k'cang kya ciah mong a pyein kon ah Cecilia a gon ung k'thum vei that u neh shi ghep ghep khai ami nong ghüt.

A gawk cuh bä ca Calistus ng'phuh hngün ung k'phuh u neh Trastevere ung om ciah Cecilia phayakyawng ung ami k'pion.

Bä ca Cecilia cuh 1599 kum ung a gawk cuh ip ci vai hlü ah ami hnguh.