K'khanpughi no a na pet gui ah bä-khäk nak gui cuh a k'ni lam hlu ah mi bi loh,mi tung-mang ah kya ung k'khanpughi no ni bä nak gui a k'däm a k'daa na be ba gui khai ciah Papashangpughang no na m'thei m'cä gui ci.

K'khanpughi nomik mi gui tumat hti on mi m'chüt hing ah mi ng'bi hing vai ah k'tha-gui na pe gui ciah kyak ci. Mik mi k'chang gui tumat hti on kä tä ciah bä-khäk nak gui cuh k'khanpughi no na pe gui ciah kyak ci.

A cun nah k'khanpughi ah na peit gui ah bä-khäk nak gui cuh mi hang ghün om yah ung a k'ni gui mi bi loh vai lah k'khanpughi lah mi paw-k'chang gui ah phäh ah mi ng'bi ng'loh vai ah phäh ah kyak ci ciah  pyein ci.

Cawi-ghaa ciah k'chang gui a k'daa om ci gui ah kyak ci. A nga mi gui kä tä ah ka mi om en u neh mi gung tot tu gui vai hlü ci ciah pyein ci. I ah kya hleih ci ung Bawi Yeisu cuh a nga-mi gui ka vai ah phäh ah kyum lok ciah kyak ci.

Nu Maria cuh däm bi ciah bä-khäk nak ah kyak ciah Bawi Yeisu gah neh khaw-m'dek k'chang gui on a pet ah hlo ah mik mi gui cun phih k'khanpughi ah na pet gui ah bä khäk nak gui cuh mi paw k'chang gui ah ni bä nak vai ah mi ghün om vai hlü ci ciah Papashangpughang no na m'thei m'cä gui ci.

https://bit.ly/3faHmlb