Kchü-m'gein nak lah tu mat ah kat tu mat no k'phyon vai ah mong.

Tu mat lah tu mat k'chüi-m'gein nak tu lah  tu mat ah kat tu mat no mi k'phyon nak no yai-ca nak gui ni, ng'tung-ah nak gui kä om en  vai ah lam na m'shüm gui ci ciah Papasahangpughang no na m'thei-m'cä gui ci. Mi paw-k'chang mi m'hni vai, mi k'chü-m'gein kä mi k'thaa nak ka kya ung mi mät phih u no kä na k'chü-m'gein gui khai, u no kä na m'hni gui khai ciah Papashangpughang no k'khanpughi ah ng'thu-k'ni ung ka a na m'thein-m'kan nak gui ciah kyak ci.
K'khanpughi ah k'chü-m'gein nak ah m'lung mi läk tu vai ah Papashangpughang no na m'cä gui ci. A cun ung vah ng'tung-ah nak gui, leim-bai nak gui lah yai-ca nak gui kä om ba khai ciah pyein ci.K'chü-m'gein nak no (Justice) ciah ta-gaa hleih ghün-om nak cuh däm-da hlak ciah kyak ci. Paw-k'chang ah kat nak k'phyoin nak ah bä-khäk nak (power) cuh ling-m'hteng nak on mi m'lung mi k'hmong neh mi daw-chan tu vai ah mi k'thaa nak vai ah Papashangpughang no na k'hnga-k'phlang gui ciah kyak ci.
I ah kya hleih ci ung (justice) ciah hta-gaa nak on a päng a van cuh kä ng'pyi-ng'päng khai ah bi loh neh (resolve) kä gah ah kyak ci ciah Papashangpughang no pyein ci.K'chü-m'gein nak on m'hni nak ci nak ci cuh mi paw-k'chang ah kat nak gui cuh a i ah ung phih k'phoin nak ah kyak ci ciah pyein ci.
K'chang gui tu mat lah tu mat mi ng'pong-om nak ung ni, ng'chu-ng'laa gawi ah ng'lak ung ni, nu pa gui lah hta-k'hmo gui ah ng'lak ung ni, cun bäng ah kä kya hleih k'chang gui ng'bum gui ah ng'lung  gui ung k'chü-m'gein nak on m'hni nah a om vai hlü ci ciah Papashangpughng no na m'thei-m'cä gui ci. k'chnag ah kat k'phoin tu ci nak ci cuh a shäng-hta düt ah kä ng'pyi ci.
Tu mat ah kat ah phäh ah a phu kä thung en tu ba neh a ng'däh ah k'phoin tu ah kyak ci.Mi mät ge no mi paw-k'chang gui no a mi na kat nak kä mi k'phoin gui ah kya ung, mi hma kat ah phäh ah k'khanpughi ah k'phoin nak mi gah vai ah mi shang tu neh kä mi gah khai ah kä kya ne ang ciah Papashangpughang no Baawi Yeisu no a na m'thei gui ah k'tai-güi nak ( Our Fathaer- mt:6:12) ung ka la neh na m'thei-m'cä gui ciah kyak ci.
K'khanpughi ahbä-khäk nak lah k'chü m'gein nak gui  mik mi ung a daa om ciah mong mi hmat lo vai ah Nu Maria on mi ghün-om nak mi m'ap ko ciah Papashangpughang no na chüi-thäm gui neh na m'thein m'cä gui ci.
 

 

Add new comment

1 + 16 =