K'khanpughi no a k'cüm ah mi pei ah om neh na m'htei gui ci.

Khawm'dek khaan ah mi ghün om yah ung yaica baongbai nak gui kä ng'hlawi-ng'hlak nak gui mi bü awt täi hleih mi m'lung k'khanpughi lam täng ah mi m'hlah vai hlü ci ciah Papashangpughang no na m'cä gui ci. I ah kya hlei ci ung, mik mi k'chang gui no k'khanpughi kä mi shui k'tä pha ung k'khangpughi cuh mi pei ah om ciah kyak ci ciah pyein ci. k'khanpughi yum äp nak ci nak ci cuh yaica nak gui mi bü awwt  yah ung pa k'khanpughi ah hip-hmoih nak lak m'hni nak lam täng ah mi m'lung mi m'hlat neh mi ghün om ah kyak ci. Mik mi no khanpughi kä mi shui k'tä pha ge ung k'khanpughi cuh mi pei ah a ng'däh ah om neh mi ng'tän ung na m'thoh ba gui neh mi yum nak a a däm da lo pi hti vai ah na m'htei gui ciah kyak ci. A k'hngüp ung mi om yah ung k'khanpughi a k'hlaa ah om ciah mi ng'ngai neh mi chü htei ho khai, cun hte cuh k'khan pughi no Ah!  kei shin ung nang on a tän ah  ka om ci nei ci neh k'khanpughi no na m'shang gui khai nei ci ah Papashangpughang no na mi htein m'cä gui ciah kyak ci. k'khanpughi no mik mi gui yai ci nak gui mi bü awt yah ung mi hteh-ton nak ah lam kä ng'hlawi ng'hlak neh mi yum nak a kyeen cuh hmat ciah kyak ci, cun tu pang ah phih, Bawi k'khanpughi cuh shih nak m'chüt neh ghüng ba ciah Bawi ah kya neh mik mi gui na m'ghün-k'phyon gui ciah kyak ci cuh kä mi k'hmih en vai ciah Papashangpughang no na m'cä-m'äh gi ci.