K'khanpughi yum nak lah yei kyai nak ah mong.

Mik mi Catholic pahta k'chang gui  k'khanpughi mi yum nak cuh yei kyai nak on mi ghün om vai ah na m'thein m'cä gui ciah kyak ci.

Christian pahta k'chang ah mi kya neh k'chang gui ah phäh ah yei kyai nak gui mi htei-bo ciah k'chang ah mi kya ne ang, mi yum nak cuh yei kyai nak on mi ghüng om ci ang ci cuh mi ng'ngaih tüh ba vai hlü ci ciah pyein ci.

Yei kyai nak cuh Advent ah a k'tung pi ah a mong ah kyak ci ciah pyein ci. Mik mi Christian gui cuh shih nak m'chüt neh ghüng lo ba ciah Bawi Yeisu no na m'hni gui ciah kya neh mi yei kyai nak vai ah mong lam gui a k'daa om ciah kyak ci.

A cun nah mi yei kyai vai ah phäh ah a iah ung phih  Bawi Yeicu cuh mi m'hu-k'hmga neh mi mät ah mi ng'yak hlü gui bang kä mi k'hma env ai hlü ci ciah phein ci.

Khawm'dek khan ah kyum lok ciah Bawi Yeisu cuh a k'khang ah kya neh mik mi k'chang gui a van ah ghün om nak ah küm-be ciah mong  lam na be gui ciah kahk ci.

Mi nu Maria cuh yei kyai nak on kyüm be ciah yum nak on ghüng om ciah kya neh a ni ah hlo ah mi ghün om tu vai hlü ci ciah pein ci. I ah kya hleih ci ci ung Nu Maria cuh yei-kyai nak ah a ng'yung ah kyak ci.

Kä ng'hlawi ng'hlak nak gui na mi awt yah ung phih Na mi yei kyai vai kä na mi k'hmih en vai ciah pyein ci.

https://bit.ly/3qTPyf8