A k'ni bi loh vai, a k'she hlawi hlak vai ah mong.

A cang ah thing-ling ciah Christian no a hngüp tä hleih kä nik ci gui cuh nong neh nik ci gui cuh ghü neh bi loh ciah kyak ci ciah Papashangpughang no pyein ci. Christian gui no mi m'lung k'shoh mi k'hmong neh k'khangpughi ah ng'yak hlü cuh mi do-chan tu u neh mi paw-k'chang gui am mi m'lung ung mi tha ah m'hni nak cuh mi bi-loh on mi m'dang vai ah Papashangpughang no na chü thäm gui ciah kyak ci.

          Christian gui ah ghün om nak cuh ng'mang a shet ah hlo ah phi kyai, ng'ngaih tüih düih ah kä kyak ci. A k'cang ah k'khangpughi ah ng'yak hlü cuh mi daw chang hing neh mi paw-k'chang gui mi m'hni ah mong cuh mi bi loh on mi m'dang neh ghün om nak ah kyak ci ciah Papashangpughang no na m'thei m'cä gui ciah kyak ci.

          (obesience) ciah beih ng'ngaih ci nak ci cuh a mi pyein ah k'chü m'kha ah ma ah "ä' or "kaa" ciah kä kyak ci. A k'cang ah ng'düi-tho neh bi loh ah kyak ci ciah k'khanpughi ah ng'thu-k'theing ung ah a na m'thein gui hlü ah pyein ci

Christian pa-hta yum ci nak ci cuh ng'shei neh ghün-om nak ah kä kyak ci ciah pyein ci. Mi yum ah pa-hta ung mi bi hti ah kya heih ng'shei neh a phung pang düt ah bi loh ah kä kya en hleih a k'cang ah ng'bi-ng'loh hngü thoh vai ah Bawi Yeisu no ng'ya hlük ciah kyak ci ciah pyein ci. I ah kya hleih ci ung, ng'shei neh biloh noh k'chang gui ah m'lung, k'chang gui ah ghü-om nak kä k'thak-pha hlak ci ciah pyein ci.

Ng'shei neh ng'bi loh ci gui ah pa-tha hu-hmat k'chang gui ah om pyein neh, a nga-mi ah tah k'chang k'kat gui ni, (tax collectors & prostitute) gui k'hnga wah k'khangmopi on ng' et tu ba ci gui ciah pyein ci. A pyein hlü cuh kat nak bik ci gui bä ci gui ah kä kya ci. Mi m'lung-ngaih mi m'thong neh Bawi tang ah mi ng'hlah vai ah k'khanpughi no na güng-kyo gui neh, na chü phong gui ci ciah kya ci.

K'khanpughi no a ni täng ah mi ng'thong-hlat ba vai ah a m'lung m'kyäp neh (patient) na güng kyo gui ciah kyak ci. Kat nak mi bi tu pang ung phih, kä na nong en hta gui düt neh, k'khanpughi no a ni täng ah mi ng'hlah ba vai ah na ng'ä na gui neh k'chü m'gein nak on be ciah m'lung on na güng-kyo gui ci ciah pyein ci.

K'khanpughi mi yum äp nak on, a hngüp tä hleih mi ghün-om nak ung, kä nik ci gui mi nong neh a k'ni gui mi biloh hing vai, hlei-hlak nak gui mi nong neh cang-nak lam mi lä hing vai, hling nak gui mi nong neh mi paw-k'chang gui mi m'hi tu gui hing vaih ah lam mi ghü hing vai ah k'khanpughi no na chü-thäm gui ciah kyak ci ciah pyein ci.

K'khanpughi no k'chang k'ni 99 ah hath kat nak bik ciah k'chang tu mat ng'thong-hlat neh ani täng ah a ng'hlah ba cuh yei tu pi ciah kyak ci ciah pyein ci. Kat nak mi nong neh k'khanpughi täng ah mi hlah ba vai ah na chü thäm gui ciah kyak ci.

(conversion) ciah kat nak nong neh a k'ni täng ah ng'thong hlat nak ci nak ci cuh khün-om nak m'hti-m'thein ba neh thing-ling nak ah lam ung ng'plon nah ghün-om nak ah kya neh kat lä ah kak ciah lam ah kyak ci. A cun ah lam ung mi hteh ah ung cuh mi om ih hlü gui ah mi m'lung mi nong nak ni, mä no mät phep neh ghün-om nak ah lam ah kya neh kak ciah kyak ci.

K'khanpughi ah Ng'thu k'thein no a na m'cä nak gui ung, Christian tu mat ah ghün-om nak ci nak ci cuh, mi paw-k'chang mi m'hni tu vail ah ng'shei düt ah kä kya en hleih a k'cang ah mi biloh gui k'khanpughi on mi gän-ap neh ng'tho neh bi loh ah kyak ci ciah Papashangpughang no pyein ci.

Bawi Yeisu ah k'chü m'khän nah kyak ciah hün-ng'düi ghün nak mi gah tu hing vai ah phäh ah mi ng'yu-ng'yon ba vai ah hti-thein ca muh-k'khanpughi no na k'hnga-phlang gui mi do-chan tu thei vai phäh ah Nu maria no a na ng'hui-ng'pa nak tu pe gui vai ah mi k'tai-güi ko ciah papashangpughang no na m'thei m'cä gui ci.

https://www.vaticannews.va/en/pope/news/2020-09/pope-angelus-26-sunday-ordinary-time-catechesis.html

 

Add new comment

13 + 0 =