M'hni nak cuh mi ghün-om nak ung tuuk ciah mi ng'yung nak ah kyak ci.

M'hni nak cuh yum tu ng'bum gui ah ghün om nak ung thuuk ciah a ng'yung-pya nak ah kyak ci ciah Papashangpughang no na m'thei m'cä gui ci. Suh shan k'tai gü hlu ah Bawi Yeisu cuh mik mi on a täng ah om ci cuh mi humhat hing neh Hti-theing ca Muh k'khanpughi na k'hnga-k'plang neh lam a m'shüm gui ci ciah pyein ci.

Papashangpughang no suh tong k'tai güi neh mi ghün om nak ung a kya ah hlü ciah a mong cuh mong k'phli ah m'chün neh na m'thein gui ciah kyak ci.

A k'maa pi ah, (listening to the Apostle's teaching) ciah Bawi Yeisu ah hlu läl ng'shä (12) gha-lei-goi ah m'thei m'cä gui mi ng'ngaih vai ah mong. A cun ung cuh ng'thu k'ni m'thei m'thang nak lah a cun ah ng'thu k'ni cuh k'chang gui on m'thei m'kan pyein k'hlak vai.

A k'hngih nak ung, (the continual quest for fratenal communion) ciah a cun nah Bawi Yeisu ah hlu-läk ng'shä gui gha-lei-goi ah hlo ah k'kong khui ät ung om ci gui ah ng'nu-ng'ba ng'phäng-na gui vai hlü ah a van kyum-päng yop neh, ät neh, ng'kawng-ng'gei neh om vai ah mong pyein ciah kyak ci.

A k'thum nak ung, (breaking of the bread) ciah Bawi Yeisu ah shi-hla ng'bo-ngchek neh ei awk nak ah kyak ci. A cun nah Bawi Yeisu ah shi-hla (Eucharist) hlu ah Bawi Yeisu cuh mik mi on a täng ah na om pui gui ciah kyak ci ciah na m'thein m'cä gui ciah kyak ci.

A k'phlii nak ung, (Prayer) ciah shuh shan k'tai güi nak ah kyak ci. A cun nah suh shan k'tai gü hlu on Hti-theng ca Muh k'khangpughi no a k'khang nak na pe gui hleih Bawi Yeisu hlu on Paa k'khangpughi on mi ng'thu-ng'hta ciah kyak ci ciah na m'thei m'kan gui ci.

 A shin nah mong k'phlii cuh mi ng'yung nak ah kyak ci ciah pyein ci. Muh k'khanpughi no a htin-taw ung bi bi neh Bawi Yeisu na shü ba hlak gui ciah kyak ci ciah pyein ci. K'khanpughi cuh a van ah phäh ah k'khanpughi ah kyak ci ciah pyein ci. K'khanpughi ah m'hni nak cuh mik mi ka vai ah a kya ah hlo ah mik mi no mi m'hni tu ba vai ah phih na shang gui ciah kyak ci. Cun cuh mik ci yum tu ng'bum gui ah mi ng'yung ah kyak ci ciah pyein ci.

https://bit.ly/3fz1VrP