Nu Maria ah hlo ah suh-shan vai ah mong.

Nu Maria cuh suh-shang ciah k'hngu-mi ah kya neh mik mi gui no suh mi shan nak ung a ni cuh mi läk tu vai, mi thei tu vai ah kyak ci ciah Papashangpughang no na m'thein m'cä gui ci.

Nu maria cuh a mät no a mä k'khanpughi on m'ap neh a m'lung m'yaw m'nem ciah kya ciah kya hleih mi k'tai-gü nak ung a ni cuh mi thei tu vai ciah pyein ci.

K'khanpughi aw i ang na ng'yak hlü, i ah ching ung ang na ng'yak hlü, i la hik cha ah yang na ng'yak hlü ci neh mi m'lung k'shoh mi k'hmong neh mi m'lung mi m'yaw m'nem neh suh mi shan vai hlü ci ciah pyein ci.

Suh shan nak no mi ng'cä nak gui cuh i hok cha ah dim kyäp khai ah mi ci vai lam na m'hüm gui ciah kyak ci ciah pyein ci. Nu Maria cuh a päng a van k'khanpughi ah hteh pui neh ng'thu ng'hta pui ciah kyak ci ciah Papashangpughang no na m'thein gui ci.

Mi mi gui phih Nu Maria mi thei tu neh mi ghün om tu ah kya ung mi om khaw dim kyäp neh kyom tang khai ciah pyein ci.

https://bit.ly/3lFLlsq