Papashangpughang ah biloh ma mong gui.

Bawiyeisu no m'shi nak Sacramentu a gah nak ah poi k'hngüp ung Papashangpughang no Sistine phayakyong ah a k'hmo hta gui gha-lei-k'chuk (16) cuh m'shi nak ah Sacrament tu pe gui ciah kyak ci.
Vatican ung bi bik ciah k'chang gui ah a mi hta na gui ung ah a k'hmo hta gui k'hngumi hta gui k'ko (9) lah k'pami hta gui k'chih cuh papashangpughang no m'shi nak pe gui ciah kyak ci.
(Christian identity) ciah Bawi Yei su ah k'chang ah kya nak cuh m'shi nak ah Sacramentu hlu on shin ah a k'hmo hta gui no gah lo tuk ci gui ah kya ci ciah pyein ci.
Nu pa gui lah (god parents) gui no a k'hmo gui no a mi gah ah k'khanpughi ah bä khä nak gui cuh a däm da lo bi hti vai ah na mi gung tot tu gui vai a kya yah hlü ci ciah papashangpughang no pyein ci.
Israel k'chang gui no nga mi gui ung k'khanpughi a hlü ah mong a mi m'dang nak hlu ah Jordan tui ah om nak ah a mi m'lung m'cha mah ah a mi kho on hteit u neh m'shi k'pyo nak cuh khan ci gui.
A cun ah hlo ah, nang mi nu pa gui no na mi gung tot nak on a k'hmo gui no k'khanpughi ung k'tha-gui lah hting-ling bä khäk nak ung ghün om nak a mi gah tu vai ah tu mäh gok lok ci gui ah kyak ci ciah Papashangpughang no pyin ci.