Papashangpughang Francis no a na m'thei m'cä gui ah mong.

K'khanpughi no a tüi-pyan gui (creatures) kä yei na neh, cun ah a tüi-pyan gui ah k'khan ah m'hni nak kä m'dang hing ca k'chang tumat no (creator) ciah a cun ah a päng a van tüi-pyan ca k'khanpughi cuh a yum a m'hni ah mong kä m'dang hing khai ah kyak ci ciah Papashangpughang Francis no na m'thein m'cä gui ca kyak ci.
A pyein hlü cu i ang ci ung, mi paw k'chang gui ah phi kyai kä mi yei na neh, mi m'lung ung m'hni nak kä mi tha neh, k'khanpughi no a tüi-pyan gui i ah kä mi hlui tä u neh mi ghün om ah kya ung, k'khanpughi ka yum ci cah mi pyein ah kya ung mi hlei mi pyein na wah kyak khai.
Bä ca Mother Theresa no phi " mi hnguh hing ah mi paw k'chang gui kä mi yei nak ah kya ung, kä mi hnguh hing ah k'khanpuhi cuh i hoi ah mi yei na hing khai, mi m'hni hing khai ang" ci ah pyein ca kyak ci.
A cun ah kya hleih, mi paw k'chang gui on mi hni nak mi m'dang neh mi yei nak gui hlu ah, k'khanpughi mi yum, mi m'hni nak cuh mi m'dang ko.