Papashangpughang no a na m'thein-m'cä gui ah mong.

Om kaw a dim-kyäp vai ah phäh ah mü-ceng neh a k'dim-k'kyäp ah lam ah k'khan ah phih kyai a van ah hmat tu vai ah pyein ciah k'chang gui ah kyak ca (demonstrators) gui ah a mi k'chü-k'aw ng'ngaih pet gui vai ciah Papashangpughang no pyein ci. A cun ah (demostrators) gui no cuh ghuin-khaw mong lam täng ah phih kyai, k'chang gui ah ng'binng-loh om kya nak ah ma mong ung phih kyai kä ng'hlawi ci gui ah a mi huh-hteng nak gui a mi m' lung ung om ci gui cuh a mi m' dang ah kyak ci ciah pyein ci. 

A cuh ah bi-loh neh pyein k'hlak ci gui am phih a pyein cuh, a ni pi lam ah phäh ah na mi m'lung ung om ci na mi pyein k'hlak bi loh ci gui no k'duk-dei nak gui ni a kat nak gui a om tu pang ung phih hu ah kä ng'hlat en neh bi-loh vai ah hlü ciah a mong gui cuh na mi bi loh vai ciah pyein ci.

Pigo, mang-go ni ghuin-khaw khong-bang ciah ng'vai-hta gui (leaders) on phih na mi ma mong ah kyak ciah na mi k'chang gui ah k'chü-k'aw ng'ngaih pe gui vai, cun kon ung, na mi k'chang gui ah a mi ng'bing-loh ghün-om nak ni na mi k'chang gui ah a mi ghün-om nak ung a mi gah tu vai chin gui cuh a mi gah tu hing vai ah bi loh tu pe vai ciah Papashangpughang no chü-phong gui ciah kyak ci.

Cun kon ung, Pa-hta ng'bum gui (ecclesial communities) on a m'cä gui cuh na mi ng'vai-hta (pastors) no lam ning m'shüm gui hleih, a cun ah (protest) a mi bi loh nak ah khaw ung om ciah k'chang gui on ng'thu-ng'hta pui gui ne phih kyai, dim-deih hleih ghün-om nak vai lam täng ah bi loh neh gah päng ah lam gui shui-shem neh na mi bi loh vai ciah pyein ci ah kyaik ci.

https://www.vaticannews.va/en/pope/news/2020-09/pope-francis-manifestations-protests-angelus-appeal.html

 

 

 

 

Add new comment

1 + 12 =