Papashangpughang no a na m'thein m'cä gui ah a mong.

Yei kyai nak lah hti-theng nak on kyüm be ciah k'phon ca Na-hlen Bawi ah ng'tüi nak ah kya hlä ciah ka ning k'tai-güi pe gui ci ciah Papashang no k'chü na m'khähgui ciah kyak ci.

K'khanpughi (Bawi Yeisu) cuh mik mi ka vai ah kyum lok ci cuh mi hmat neh mi m'lung ung mi kyep vai hlü ci ciah pyein ci.

K'khanpughi cuh kyei ka vai ah phäh ah kyum lok ciah mi m'lung ung mi hta vai hlü ci ciah pyein ci.

K'khanpughi mi shui neh k'khangpughi mi daw-chan du hing vai ah phäh ah m'lung m'yaw m'nem nak hlü ciah mong cuh mi m'lung ung mi kyep vai hlü ci ciah pyein ci.

A cun ah m'lung m'yaw m'nem neh k'khanpughi shui vai ah phäh ah mi m'lung mi m'däng nak gui mi nong yop neh k'khangpughi ah bä khäk nak on mi mät no mi mät mi ng'shi k'thäh ba vai hlü ci ciah pein ci.

Mik mi ung om lo tuk ciah k'khanpughi non kä dim gei ciah mi m'lung cuh gün-kyaw nak na pe gui ciah kya hleih k'khangmopi ah dan neh mi hteng vai hlü ci ciah pyein ci.

A van yei-kyai nak lah hti-theing ciah Christmas ah kya hlä ciah Papa shangpughang Francis no ng'thu k'ni na m'khä gui ciah kyak ci.