Pope Francis naw Covid 19 lah ng'tuk m'düm vai aci

 Khaw m'dek ah khan ah Corona lei yat law neh a van ah phäh ah ng'ä ng'cä nak vai ah kya law hleih ng'tuk ng'a nak gui ng'düm vai khin law ci nei ci neh kyün k'nghnüp ung   Papah Shangpughang Pope Francis naw pyein ci.

Covid19 naw a hawi phi m'di law ci nei ci neh pyein ci. Khaw m'dek pum ung Corona lei law hlei van yai ca neh om yah ung khaw m'dek ka k'khan ah om ci gui ah ghunkhaw avan ung ami ng'tuk ng'kah nak gui ami nawng vai ci neh Mar30 ung United Nation ung ka Mr.General Antonio Gurerres am a pyein vai ah m'cä ci. Cun kawn ah tuh chü Corona lei a i ah van naw m'cin vai ci ah amawng ng'ge neh ng'tuk ng'a nak gui nawng vai, kä ng'gei kä ng'khawk nak gui cuh ng'tuk nak on  kä maih khai kya hleih khaw m'dek a dim kyäp vai ah ng'tuk nak gui m'düm vai ci neh pyein ci. Thawng khui ah om ci gui ami cawi gha nak gui phi teng m'kein neh nga mi gui ah k'tha gui a om vai ah m'htei neh mi ng'ngaih tu peih gui vai khin ci nei ci neh pyein ci. Ngawi ah shin ah hlaw ah lei get gui kä om en vai lah mamawng neh bi loh gui vai ah k'tha nak neh suh shang k'tai gü vai ci neh CNA news ung pyein ci.