Suh-shan k'tai-güi vai ah mong Papashangpughang no a pyein.

Mik mi Christians gui cuh k'chü a mi m'thei pyein thei ciah (parrots) k'kyi gui vai hlü ah kä kya en hleih a k'cang ah m'lung k'kyong ah ka no mi k'tai-güi vai hlü ci ciah Papashangpyghang no pyein ci. Suh-tong k'tai-güi  nak cuh mik mi mi ghün om nak ung a k'tung pi ah a kya vai hlü ci ciah pyein ci. Suh-shan ng'tai-gü cuh mik mi k'chang gui phoin nak mi gah nak ah mong ah kyak ci ciah pyein ci. A cun te, k'chang gui no a mi m'nai vai ah phäh ah hma ciah suh-shan ng'tai-gü ci gui phih om ciah kyak ci ciah pyein ci.

K'chang gui no a mi m'nai vaih phäh düt ahphih kyai, a ni catholic ciah ami hmat vai phäh dät ah phih kyai, hlui-hlak a k'thai a k'ni m'dang vai ah phäh ah phih kyai, a cun gui ah mi bü-ceng neh Mass mi kai khai ah mi ng'bum in ah mi hteh ah kya ung hma ciah suh-tong k'tai-gü nak lam täng ah mi gok ciah kyak ci ciah pyein ci. Bawi Yeisu no a cun ah hlo ah k'tai-gü nak cuh m'kat ciah kyak ci. A k'cang ah suh-tong k'tai-gü nak cuh mi m'lung kyong ah lut neh k'khangpughi ah a k'cang ah ni bä nak na ng'ngaih tüh hlak gui ciah kyak ci.

Mik mi gui i la hok cha ah mi k'tai-güi lah mi paw k'chang gui on i la hok cha ah mi ng'hnguh-ng'hmat cuh ng'ching-khong ci gawi ah kyak ci. I ah kya hleih ci ung, Pa k'khangpughi m'shum k'chuk ci no a ni ah  a hta gui cuh yei nak ci, m'hni ciah kyak ci. K'khanpughi üm-nai ci gui no, k'chang gui a van cun phih üm-nei nah yei kyai nak ci gui ah kyak ci. A cang ah a m'lung k'kyong ah ka no kä k'tai-gü ciah k'chang no a paw k'chang gui cun phih kaa na neh om ip ciah kyak ci ciah pyein ci.

Cik-pu-hti (rosary) a k'daa cik neh suh na shan ung phih k'chang gui ah om kya ah mong ng'pyein neh, k'chang gui m'lung-ui ah ka no thü nak gui ah kya ung mi k'tai gü cuh a k'cang ah kä kyak neh mi ng'she ah vah kyak ci ciah pyein ci. Mi paw k'chang gui cuh k'khangpughi ah mui-hmai on täng khai ah k'khanpughi no a tüi-pyan ciah mong kä mi k'bä tu ah kya ung k'khanpughi mi kat nak ah kyak ci ciah pyein ci.

https://www.catholicnewsagency.com/news/pope-francis-prayer-is-the-center-of-life-47359