Suh-shan ng'taigüi nak lah k'chang ah ni bä nak vai gui a pi-k'chü hta mi bi loh cuh khaw-m'dek khan ah k'khanpughi ah m'hni nak cuh mi phu-sho ah kyak ci.
Covid-19 lei a maih vai ah k'khanpughi ah Nu Maria no a na k'tai-güi tu pe gui vai ah mi ng'hui na ko ci neh Papashangpughang no na m'thein-m'cä gui ci.
Khawm'dek khaan ah mi ghün om yah ung yai-ca baongbai nak gui kä ng'hlawi-ng'hlak nak gui mi bü awt täi hleih mi m'lung k'khanpughi lam täng ah mi m'hlah vai hlü ci ciah Papashangpughang no na m'cä gui ci.
Bawi Yeisu ah shi lah hla(Eucharist) noh mi pawk'chang gui mi m'hte tu vai, mi gung tu gui vai ah k'tha-gui na pe gui ciah kyak ci ciah Papashangpughang Francis no na m'htei m'cä gui ci.
K'hmo k'tho gui noh a mi mät hta om ci gui ah a ghüi-ng'vai gui ah om nak ah hteit neh k'thagui a mi gah vai ah na mi ng'thu ng'hta pui gui vai hlü ci ciah Papashangpughang Francis no na m'thei m'cä gui ci
Hmat nak thei cuh k'khanmopi gui-im a om ah mong m'dang nak ah kya ci ciah Papashangpughang no na m'thei m' cä gui ci. A cun ah a pein nak ung mong k'hmaa ah m'chün neh na m'thei m'cä gui ci.
K'khangpughi ah hip-hmawih ciah m'lung noh ng'ngaih u nak a om vai ah mi m'lung k'shoh na k'hmong pe gui ci ciah Papashangpughang Francis no pyein ci.
K'khanpughi ah ng'thu-k'ni mi do chan tu, mi cung ng'ngaih tu cuh Bawi Yeisu Christu mi do chan tu ah kyak ci. K'khanpughi ah ng'thu-k'ni cu ca ng'lung dut ah kä khyak ci, a kho-ghong dut ah phih kä kyak ci.
Go-pyam ci gui,du-khaih ci gui, k'chang gui no kä mi hlui tä tu gui ah k'chang gui, a khaw hei ah hteit neh ng'bi tu neh om tuk ci gui ah k'chang gui ah ghün-om nak ung k'khanpughi ah hmai shui vai ciah Papashangpughang Francis no pyein ci.
Shing-m'kang k'tung kä om ung a k'cang ah m'hni nak kä om hing ci ciah Papashangpughang no na m'thein m'cä gui ci. Bawi Yeisu noh phih mi mät ah shing-m'kang k'tung mi mät no mi k'kot neh a hu ah mi läk tu vai ah na chüi gui ciah kyak ci.
Sign up to our newsletter and get latest news and updates straight to your inbox!
