American ghuin-khaw ung kah Bangladesh ghuin-khaw ah k'khanpughi ah bi bi man te ciah bawiphaya shik ci.

Bangladesh ghuin-khaw ung ah kum 62 pum ung k'khanpughi ah bi bi man te ciah American ghuin-khaw ah ka Bawiphaya tu mat cuh corona lei on July k'cha 26 k'hngüp ung US ghuin-khaw mät ah shik ciah kyak ci. A khaw-kum 92 lok ciah Bawiphaya Eugene Eduard Homrich cuh a ng'tüi om nak man te ah kyak ciah  (Muskegon, Michigan) ah shi hleih a mi k'phuh ah kyak ci. A ni cuh 1928 kum December k'cha 8 k'hngüp ng'tüi ciah kyak ci. 1955 kum June k'cha 8 hngüp Bawiphaya ah kya tu neh a cun ah khaw-kum mät ung Bangladesh ghuin-khaw ah k'khanpughi ah bi bik khai ah hteit ciah kyak ci. Bawiphaya Homrich cuh Bangladesh ghuin-khaw ung a om yah ung a k'hmo gui Ca a mi ng'thei tu hing vai a mi huh hmat tu vai ah bü-ceng neh kyong-im gui 30 phlän hleih co pe gui neh bi loh pe gui ciah kyak ci. A coyah no phih a ni yah a bi loh gui cuh k' bä tu ciah kyak ci. A ni cuh Bangladesh ung om ciah k'chang gui a mi hlüng tai tu vai ah k'tha na neh bi loh man ciah kyak ci.