April k'Cha ung Catholic gui ng'bum im kä hteh vai ma?

 3.4.2020 ung leng neh Mindat mang go Yeisu ah bä ca m'lung ng'bum im ung kyaün k'hnüp tä hlei k'tai gü nak gui kä bi ba vai ci neh leng law ci gui. Ng'bum im ung kä k'tai gü vai läi cuh April k'cha bäng ung ci neh Acoyah naw pyein ci. Shin ah ami leng law nak cuh Acoyah khawng mang ci gui naw Corona lei ah phäh ah k'chang a k'da kä ng'bum vai ci neh ami pyein ah phäh ah kya ci. Kyaün k'hnüp ung Missa m'hlüm m'tai nak gui cuh Mindat RVA ung ka naw a u naw phi teng tu neh Online ung ka naw m'hlü m'tai vai ci neh bawiphaya She ng'thang naw pyein ci. 

 Kyaün k'hnüp ung ng'bum im kä khai ah  Bawiphya She ng'thang thang naw Missa gän ap khai, ani ah Missa a gän ap nak ung a u phi hteih neh gän ap tu neh gah khai nei ci neh pyein ci. Acoyah naw ng'bum im khai vai ci ah pyein hlei khai vai, a cun te u kä law hlä ci neh kä pyein nei law ci cuh a mät ah ng'ngaih ah a law vai ci neh na m'thein m'kang tu gui ci.

Missa gän ap nak gui ung ng'cun ng'dawng tu hlü ci gui a u phi na mi hteh tu vai kä na mi hteh hlu ung im ah om neh RVA Page ung ka naw na mi teng tu vai ci ah a pyein ah kya ci.