Bawi Phaya tu mat a mi ngon ah mong.

September k'cha (15), Tuesday k'hngüp ung Italy ghuin-khaw, Como mang-go ung ka a khaw kum (51) lok ciah Bawi Phaya (Fr. Roberto Malgesini) tumat k'chim on k'tawk neh a mi gnawin ah kyak ci. Bawi  Phaya Roberto cuh a mi om nak vai kä om ci gui ah k'chang gui ni, a khaw hei ah ka lok ciah k'chang gui a m'htei tu gui ah phäh ah northern diocies ung a ng'ming thang ciah kyak ci.

A cun ah |Bawi Phaya cuh September k'cha (15) khaw-ngawi täng ah 7:0 m'chin yah ung a kyä pum ah k'chim on a mi k'phlein ghong ah lam ah khan ah ng'yän neh shik ciah kyak ci. A cun ah Bawi phaya ngawin ciah a khaw kum (53) lok ca k'chang cuh bawiphaya k'chim on a k'tawk yop tah Palik gui ah om nak ah a mät hteit ciah kyak ci.

A cun ah k'chang cuh a om nak vai im kä om ciah k'chang gui a mi m'om nak ung om tu hte ciah  kä gu kä ng'shim ciah kyak ci. A cun nah Bawiphya ah a bi loh gui ni k'chang gui ah phäh ah a shih cuh khaw-m'dek pum ung a van no kä mi hmat tu pang ah phih a k'kapi k'chang (the least ones) gui ah phäh ah a hun pek ciah kyak ci ciah Bishop Oscar Cantoni no pyein ci. Bawiphaya Roberto cuh hnip-hmawih neh suh-tong k'tai-güi ciah bawiphaya k'ni tumat ah kyak ci.