Bawiphaya gui a k'thai k'chüih-kyip (70) no (ordination) a mi gah ah cüimong.

Maxico ghuin khaw ung k'tai güi mang, Cardinal Jose Francisco Robles Ortega, Archbishop of Guadalajara no bawiphaya k'chüih-kyip (70) cuh (ordination) pe gui ca kyak ci.

June k'cha a k'phi k'hngüp (4) lah a hma k'hgnüp (5) ung Mexoco ghuin khaw ung ka k'tai güi mang no bawiphaya a k'thai (70) cuh Mexican Martyrs Shrine ung bawiphaya ah k'bäi gui ca kyak ci.  

A k'tük k'hngüp ung bawihaya 33 cuh ma neh k'bäi neh a ngoi ung 37 cuh k'bäi ba ca kyak ci.

Hti hteing ca Muh k'khangpughi no a ng'däh ah ning om pui gui neh ning m'htei gui khai ci neh k'tai güi mang, Cardinal Jose Francisco Robles Ortega, Archbishop of Guadalajara no bawiphaya a k'thai gui on m'cä gui neh k'tha gui pe gui ca kyak ci.