Cardinal Charles Maung Bo lah Bo-chuk Min Aung Hlang a ni ng'hnguh ah mong.

Cardinal Charles Mg Bo lah Bo-chuk Min Aung Hlang a ni ng'chum nak ung Cardinal no a k'ni ah ng'hta ng'ko neh dimkyäp ciah lam on bi loh vai ah pyein ciah kyak ci.

2021, December k'cha 23 k'hngüp ung Cardinal Charles Mg Bo no Christmas ng'tai-güi nak ah poi a bi nak ung Bo-chuk Min Aung Hlang hteit neh (ngui) tang-ka (သိန်းပေါင်း-200) Cardinal on a peit ciah hmat nak on ciah kyak ci.

A  cuh ah a mi bi loh nak ung Cardinal no a van kyum ät neh tumat lah tumat ng'khong-ng'gei neh m'Vaa khaw dim kyäp khai ah vi loh vai ciah pyian ciah kyak ci.

Cardinal Charles Bo no Christmas k'chüi-m'khäh a pein nak ung, m'Va khaw a dim kyäp vai ah mong gui a pyein ci ah kyak ci.

A cuhn nah m'va khaw ah mong a pyein nak ung K'cho khaw lah Kayan khaw gui ung m'va ga-k'kaap gui no a mi m'di gui ah Phaya kyong gui ah mong kä k'pa ci ciah hmat nak om ci.