Cardinal Charles Maung Bo no k'chü-m'kha a m'khäh gui ah mong.

Cardinal Charles Maung Bo no December k'cha (27) k'hngüp ung m'va ga-k'kaap gui (Tatmadaw) on a m'khäh gui ah k'chü-m'kha gui.

A mi bü ah om ci gui ah k'chang gui  lei-yin on pung m'kyeik neh, hle-het on m'kaah gui neh duk-dei neh ngon-m'shih neh a mi ci gui kä mi bi en ba vai.

Phaya-kyong ng'bum-im gui, kyong-im gui lah shei-yung gui m'di-m'dap neh a mi bi loh gui cuh ng'hlit ah a mi ng'dum vai.

Hle-hat k'kot ciah k'chang ng'bum gui on ng'chum neh ng'hta-ng'ko neh, ni-na ghom neh Democracy lam ung a mi bi loh vai ah k'chü-m'kha m'khäh gui ciah kyak ci.

Cun-kon ung, hle-hat kont ci gui lah PDF (People Defence Force) gui a van no kä k'kot htein ba u neh dim-kyäp ciah lam on a mi ng'shui-ng'yei vai ah ng'hui na gui ciah kyak ci.

Add new comment

8 + 10 =