Cardinals gui a mi ghüi ah cüimong.

Papashangpughang ghü khai gui ah (cardinal electors) gui ung, Europe khaw toi caih Asia khaw ung ka Cardinal gui cuh a k'da pi ah kyak ci ciah pyein ci gui.

Asia khaw ung ka k'shon mä India ghuin khaw ung ka k'hma (5) lok ci gui ah kya neh a k'daa pi k'bäh ah kya neh Franch ghuin khaw ung ka phi India ghuin khaw on täng ca kyak ci. Cun ah k'hngih a ng'pyi ung a k'daa tu ba cuh Italy ghuin khaw, USA ghuin khaw, Brazil lah Spain ghuin khaw ah kyak ci.

Papashangpughang Francis no August k'cha 27 k'hngüp, Vatican mang-go ah, Asia khaw ung ka cardinal k'chuk (6) mah ah a van a ng'don ah cardinals gui 21 cuh Cardinal ah kyak khai gui ah m'düih gui khai ciah pyein ci gui.

Asia khaw ung ka cardinal ak'thai k'chuk (6) cuh  India ghuin khaw , Singapore ghuin khaw ung ka , East Timor ghuin khaw ung ka , South Korea ghuin khaw ung ka lah  Mongolia ghuin khaw ung ka gui ah kyak ci.

A cun ah Cardinal ak'thai gui ah a mi ng'ming gui cuh:

• Filipe Neri António Sebastião do Rosário Ferrão, 69, Archbishop of Goa, India
• Anthony Poola, 60, Archbishop of Hyderabad, India
• Virgilio do Carmo Da Silva, 68, a Salesian, Archbishop of Dili, East Timor
• William Goh Seng Chye, 62, Archbishop of Singapore
• Giorgio Marengo, 47, Italian Missionary of the Consolata and Apostolic Prefect of Ulan Bator in Mongolia
• Lazzaro You Heung-sik, 70, Prefect of the Dicastery for the Clergy and Bishop Emeritus of Daejeon {Taejon}, South Korea gui ah kyak ci.

Cardinal gui cuh catholic a htin-taw ung  papashangpughang a ng'pyi ung a k'hngih nak a vai pi bäh ah kya neh papashangpughang on a ng'et ah om neh, k'hnga k'phlang tu u neh khaw k'dek khan pum ung om ca a htin-taw ka vai ah a k'tung pi ah ng'düi thaw ci gui ah kyak ci.

Papashangpughang a k'thai a mi ghüi vai ung, a khaw kum k'cheit kyip (80) phlän ca cardinal gui kä pa tu ba khai gui lah, a khaw kum (80) chüt ca cardinal gui bäng no papashangpughang a k'thai chüi nak ung pa khai gui ciah Papashangpughang St. Paul VI no 1970 kum ung tün neh a k'bäi ah kyak ci.

August k'cha (27) k'hngüp ung a mi m'düih gui vai ah cardinal electors gui ung ka Asia khaw ung ka cardinal electors (21) pa ci gui ah kyak ci. A cun ung ka cuh: Indai ghuin khaw ungka (5),Philippines ghuin khaw ung ka (2),Mva khaw (Myanmar) lah Pakistan, Bangladesh, Thailand, Japan, Laos, Sri Lanka, Iraq, Indonesia, Indonesia, Mongolia, Singapore, and East Timor ghuin khaw gui ung ka tumat ti ah pa ci gui ah kyak ci, 

https://bit.ly/3KravYX