Catholic Cardinal tumat a shih ah cüi mong.

Malaysia ghuin-khaw ung a k'ma bi k'bäh ah Catholic cardinal ah kyak ciah a khaw kum (88) lok ciah Cardianl Anthony Soter Fernandez cuh October k'cha (28) hngüp ung shik ciah kyak ci. A ni cuh Cardinal ung ka no ng'düm pui ciah kyak ci.

Cardinal Fernandez cuh ng'pyi pi ciah Novenber k'cha yah ung tün neh (cancer) lei awt neh kya hleih a mi m'tui-m'hleh te ah kyak ci. Cheras mang-go ung om ciah (St Francis Xavier home for the Elderly) ciah a ghü-ng'vai gui a mi m'htei nak ah a ih nak ung shik ciah kyak ci.

Cardinal Fernandez cuh 1932 kum April k'cha 22 hngüp ung Penang Diocese ung Sungai Patani khaw ung ng'tü neh 1966 kum ung Bawiphaya ah kya ciah kyak ci.

1977 kum ung Pope John Paul (2) no Penang khaw ung Sayataw kyak khai ah a k'bä, cun ung ka no 1983 kum ung Kuala Lumpur mang-go ung Archbishop ah kya neh om ciah kyak ci.

2016 kum, Novenber k'cha ung Papashangpughang Francis no Cardinal ah kya tu k'khai ah a k'bä ah kyak ci.

Cardinal Fernandez cuh Bawiphaya ah a kya nak kum 53, Sayataw ah a kya nak kum 42, cardinal ah a kya nak kum k'thum (3) lok ciah kyak ci.

https://www.rvasia.org/malaysias-first-cardinal-dies-88