Indonisia ghuin khaw ung, k'tai-güi mang no a bi loh ah ma mong.

Indonisia ghuin khaw ung om ca k'tai-güi mang, Cardinal Ignatius Kardinal Suharyo (the Archbishop of Jakarta diocese (KAJ) no a k'hmo gui lah a k'tha gui kyen ca a ng'vai gui (vulnerable adults) gung tot neh nga mi gui ghnuin nak gui vai ah (protocal) cuh (2022) kum, January k'cha ung pyang-tham ca kyak ci.
A shin ah (protocal) a mi bi loh pyan-tham cuh K'chang gui a van a k'ni ah a hang ghün om hing vai ah phäh ah, k'chang päng no a gah vai chin a gah tu hing vai lah k'chang gui a mi om khaw dim gei hleiih a mi gün om hing vai ah bä-ceng nak on Indonisaia ghuin khaw ung om ca Catholic pa-hta no a bi loh ah kyak ci.
Papashangpughang no phih a shin ah bi loh vai ah a yan kum gui ung a na k'hnga-k'phlang nak gui om ca kya hleih a k'hmo gui lah a k'tha gui kyen ca a ng'vai gui (vulnerable adults) gung tot neh nga mi gui ghnuin nak gui vai ah (protocal) cuh a mi pyan-tham bi loh ah kyak ci.
A cun ah Papashangpughang no k'hnga-plang gui hleih Indonisia ghuin khaw ung ‘a Child-Friendly Church Team and Vulnerable Adults’ ciah nb'bum cun phih a k'hmo gui lah a k'tha gui kyen ca a ng'vai gui (vulnerable adults) gung tot neh nga mi gui ghnuin nak gui vai ah täng pang neh bi loh pui ci gui ah kyak ci.
A k'hmo gui lah a k'tha gui kyen ca a ng'vai gui (vulnerable adults) gung tot neh nga mi gui ghnuin nak gui vai ah (protocal) a mi pyan-tham cuh a co-yah ung ka ni, a hei ng'bum gui ung ah hngu-hmat k'chang gui on ni na u neh a mi bi loh pyam tham ah kyak ci.
Media gui no a k'tung pi ah a mi bi loh vai cuh Catholic ht-hta-na no k'chang gui a an a ghung m'htai vai, a k'tung pi ah a mi k'tha gui kyen ca k'chang gui ghung-m'htei neh gung tot nak ah bi a bi vai ah a pyein k'hlak vai hlü ci ciah cardinal Ignatius Kardinal Suharyo no pyein ci.
https://bit.ly/3gEdLSV