Kum1939-1945 second world war ung om neh hnuh tuk ca pighi ng'vai on ng'thu ng'hta nak

   Kum 96 law k'ca Pighi Näng Ha Shen on,English gui lah Japan gui naw K'cho khaw uk neh, ami om yah ung i ah om man ci gui cuh,ng'shi k'cà neh ng'thu ng'hta nak ah kya ci. Mindat mang go Ng'bo ung om man ci ah, pighi Näng Ha Sen cuh, tuh chü Mindat FMM Mamah gui naw ami m'htei ah, Ghipa ng'vai gui ami tha nak ung, om ci ah kya ci. A ni naw Myanmar khaw ung, English gui lah Japan gui ami om yah ung, English gui bä tu ba ci gui ci neh pyein ci. Japan gui cuh, k'chang kuli ami k'phut yah ung, tu thah bäng ah kä kya hlei, ngaon man ci gui nei ci neh pyein ci. Acun ah ami ng'tuk ng'kah yah ung, khan khaw ah k'khan k'yawng gui on, ng'kap man ci gui ci neh pyein ci. K'khan k'yawng gui cuh, k'khã ng'gui neh ami yawng ah hlaw ah, yawng neh ng'kap ci gui ci neh pyein ci. Acun ah ami ng'kah tu yah ung, kyi u neh k'sheng khui yung ah ng'thup man ci gui ci neh pyein ci. 

 Mindat mang go ung om neh, K'cho khaw K'cho pak'khui ka vai yah, khawng mang neh bi man ci gui ah Pu Vawm'htu Mawng khawng mang hlei Pu Ng'thang Pet Mawng,  Khaw Gei Ng'thang lah Tawng Kung pigo ung ka Pu Ng'thang Mawng ni naw khawng mang neh bi man ci gui ci neh pyein ci.K'hnam Bung ung ka Khaw Gei Ng'thang cuh Japan khaw ah chüh hlei va htet tu mang ci ci neh pyein ci. A hei ah ng'min gui kä shüm ba yop ci ci neh phi pyein ci. 

    

  

Add new comment

2 + 10 =